ఉచిత బస్సు మహిళలకు మాత్రమే కాదు..!!

ముఖ్యమంత్రి సిద్ధరామయ్య సారథ్యంలో కర్ణాటకలో అధికారంలో ఉన్న కాంగ్రెస్ పార్టీ ప్రభుత్వం.. సంచలన నిర్ణయాన్ని తీసుకుంది. ఇప్పటివరకు మహిళలకు మాత్రమే పరిమితమైన ఉచిత బస్సు ప్రయాణ సౌకర్యాన్ని మరింత విస్తరించింది. ప్రభుత్వ పాఠశాల విద్యార్థులకూ దీన్ని అందుబాటులోకి తీసుకొచ్చింది.

ఈ మేరకు ఉప ముఖ్యమంత్రి డీకే శివకుమార్ ఓ ప్రకటన చేశారు. దీనికి సంబంధించిన సమాచారాన్ని తన అధికారిక ఎక్స్ అకౌంట్ లో పోస్ట్ చేశారు. ప్రభుత్వ పాఠశాలల్లో డ్రాపౌట్స్ ను తగ్గించడానికి, విద్యార్థులకు మరింత మెరుగైన రవాణా వసతి కల్పించడానికి, ఆర్థిక ఇబ్బందులను తొలగించడానికి ఈ నిర్ణయం తీసుకున్నట్లు తెలిపారు.

ఈ ఉచిత బస్సు సౌకర్యం.. ఎల్ కే జీ నుంచి ప్రీ యూనివర్శిటీ కోర్స్ (పీయూసీ) అంటే ఇంటర్మీడియట్ వరకు వర్తిస్తుంది. రాష్ట్రవ్యాప్తంగా అన్ని ప్రభుత్వ పాఠశాలలు, ప్రాథమికోన్నత పాఠశాలలు, ఇంటర్మీడియట్ వరకు విద్యను బోధించే అన్ని ప్రభుత్వ కళాశాలల్లో చదువుకునే విద్యార్థులు అందరికీ దీన్ని వర్తింపజేసింది.

ప్రస్తుతం కర్ణాటకలో మహిళలకు ఉచిత బస్సు ప్రయాణ సౌకర్యం అమలులో ఉంటోన్న విషయం తెలిసిందే. కేఎస్ఆర్టీసీ బస్సుల్లో మహిళలు రాష్ట్రవ్యాప్తంగా ఎక్కడి నుంచి ఎక్కడి వరకైనా ప్రయాణించవచ్చు. దీనికోసం సిద్ధరామయ్య ప్రభుత్వం ప్రతి సంవత్సరం బడ్జెట్ లో 1,000 కోట్ల రూపాయల మేర కేటాయింపులు చేస్తోంది. అదే సమయంలో- కొత్త బస్సులను కొనుగోలు చేస్తోంది. కొత్త కొత్త రూట్లల్లోనూ బస్సులను నడిపిస్తోంది.

ಸರ್ಕಾರಿ ಶಾಲಾ ಮಕ್ಕಳ ಭವಿಷ್ಯ ಉಜ್ವಲಕ್ಕೆ ಸರ್ಕಾರ ಬದ್ಧ!

ರಾಜ್ಯಾದ್ಯಂತ ಕರ್ನಾಟಕ ಪಬ್ಲಿಕ್ ಶಾಲೆಗಳಲ್ಲಿ ಎಲ್‌'ಕೆಜಿಯಿಂದ ಪಿಯುಸಿ ತನಕ ಓದುವ ವಿದ್ಯಾರ್ಥಿಗಳಿಗೆ ಉಚಿತ ಬಸ್ ವ್ಯವಸ್ಥೆ ಆರಂಭಿಸಲು ರಾಜ್ಯ ಸರ್ಕಾರ ತೀರ್ಮಾನಿಸುವ ಮೂಲಕ ಸರ್ಕಾರಿ ಶಾಲೆಗಳ ಬಲವರ್ಧನೆಗೆ ಪ್ರಮುಖ ಒತ್ತು ನೀಡಲಾಗುತ್ತಿದೆ.#KarnatakaPublicSchool pic.twitter.com/tnvwFFEMij

— DK Shivakumar (@DKShivakumar) July 11, 2025

ఇప్పుడు తాజాగా విద్యార్థులకు కూడా ఉచిత బస్సు సౌకర్యాన్ని కల్పించడం ప్రాధాన్యతను సంతరించుకుంది. దీనికి అవసరమైన మొత్తాన్ని వార్షిక బడ్జెట్ లో కేటాయించే అవకాశాలు ఉన్నాయి. ఈ ఉచిత బస్సు సౌకర్యం వల్ల రాష్ట్రవ్యాప్తంగా 19 లక్షల మందికి విద్యార్థులకు లబ్ది కలుగుతుంది.

English summary

Deputy Chief Minister of Karnataka, DK Shivakumar announces that the Free Bus service of the Government School Students up to the PUC. రాష్ట్రవ్యాప్తంగా ప్రభుత్వ పాఠశాల విద్యార్థులకు కర్ణాటక ప్రభుత్వం ఉచిత బస్సు సౌకర్యాన్ని కల్పించింది. ఈ విషయాన్ని ఉప ముఖ్యమంత్రి డీకే శివకుమార్ వెల్లడించారు.