లోక్‌సభ ఎన్నికలు 2019: ముగిసిన రెండో దశ పోలింగ్,95 నియోజకవర్గాల్లో ఎన్నికల పరిణామాల అప్‌డేట్స్

దేశవ్యాప్తంగా రెండో విడత పోలింగ్‌ ముగిసింది. మొత్తం 11 రాష్ట్రాలు ఒక కేంద్రపాలిత ప్రాంతంలో ప్రజలు తమ ఓటు హక్కును వినియోగించుకున్నారు. మొత్తం 1611 మంది అభ్యర్థుల భవితవ్యం ఈవీఎంలలో నిక్షిప్తమైంది. అక్కడక్కడ చెదురు ముదురు ఘటనలు తప్ప మిగతా చోట్ల అంతా పోలింగ్ ప్రశాంతంగా ముగిసింది. బెంగాల్‌లోని రాయ్‌గంజ్ నియోజకవర్గంలో హింసాత్మక ఘటనలు చోటుచేసుకున్నాయి. కొందరు అల్లరి మూకలు పోలింగ్‌ను అడ్డుకునే ప్రయత్నం చేశారు. అయితే వారిని పోలీసులు అదుపులోకి తీసుకున్నారు. పరిస్థితి అదుపులోకి రాకపోవడంతో పోలీసులు గాల్లోకి కాల్పులు జరిపారు. మరోవైపు రాయ్‌గంజ్ సీపీఎం అభ్యర్థి వాహనాన్ని టీఎంసీ కార్యకర్తలు ధ్వంసం చేశారు. ఇక ఇండిపెండెంట్ అభ్యర్థిగా మాండ్య నియోజకవర్గం నుంచి బరిలో ఉన్న సుమలత అంబరీష్ వర్గీయులు జేడీఎస్ అభ్యర్థి నిఖిల్ గౌడ వర్గీయుల మధ్య వాగ్వాదం జరగడంతో పోలింగ్‌ కొంత సేపు నిలిచిపోయింది.

అస్సోం, బీహార్, చత్తీస్‌గఢ్, జమ్ముకశ్మీర్, కర్నాటక, మహారాష్ట్ర, మణిపూర్, ఒడిషా, పుదుచ్చేరి, ఉత్తర్‌ప్రదేశ్‌, పశ్చిమ బెంగాల్‌లలో కొన్ని లోక్‌సభ స్థానాల్లో పోలింగ్ ముగిసింది . ఇక తమిళనాడులోని 39 స్థానాలకు ఒకేసారి పోలింగ్ జరిగింది. వేలూరులో ఎన్నిక రద్దుకాగా త్రిపుర తూర్పు స్థానం శాంత్రభద్రతల కారణంగా వాయిదా వేసింది ఎన్నికల సంఘం. అస్సోంలో 5 లోక్‌సభ స్థానాలకు పోలింగ్ జరిగింది. కరీంగంజ్, సిల్చార్, అటానమస్ డిస్ట్రిక్ట్, మంగళడోయ్,నవగాంగ్ స్థానాలకు పోలింగ్ జరిగింది. ఇక బీహార్‌లో ఐదు స్థానాలకు పోలింగ్ జరిగింది. (కృష్ణగంజ్, కతిహార్, పూర్ణియా, భగల్‌పూర్, బంకా), మావోయిస్టు ప్రభావిత రాష్ట్రం చత్తీస్‌ఘడ్‌‌లో 3 స్థానాలు(రాజ్‌నంద్ గావ్, మహాసముంద్, కంకేర్)లకు పోలింగ్ ముగిసింది. మరో సున్నితమైన రాష్ట్రం జమ్ముకశ్మీర్‌లో రెండు స్థానాలు శ్రీనగర్, ఉదంపూర్ పార్లమెంటరీ స్థానాలకు పోలింగ్ పూర్తయ్యింది.

English summary

In the second phase of polling in the ongoing Lok Sabha election 2019, 12 states and Union Territories (UTs) will witness voting on 18 April. Candidates in 95 parliamentary constituencies will be in the fray in the second phase.Tamil nadu's Vellore constituency polling got canelled while Tripura East election got postponed.