ముండే కాలేయం చితికిపోయింది, గుండె ఆగింది

న్యూఢిల్లీ: రోడ్డు ప్రమాదంలో కేంద్ర మంత్రి గోపినాథ్ ముండే కాలేయం చితికిపోయినట్లు, షాక్‌లో గుండె ఆగిపోయినట్లు ప్రాథమిక పోస్టుమార్టం నివేదికలో తేలింది. ఎయిమ్స్ వైద్యుల బృందం ముండే భౌతిక కాయానికి పోస్టుమార్టం నిర్వహించారు.

కాలేయం దెబ్బ తినడంతో లోపల రక్తం కారిందని, అకస్మాత్తుగా షాక్‌కి గురి కావడంతో గుండె ఆగిపోయిందని, ముండేకు పెద్దగా దెబ్బలు తగలలేదని, శరీరానికి తగిలిన దెబ్బలు మరణానికి కారణం కాదని నివేదికలో తేలింది.

మెడికల్ బోర్డు పోస్టుమార్టం నిర్వహించిన తర్వాత ముండే భౌతిక కాయాన్ని బిజెపి కేంద్ర కార్యాలయానికి తరలించారు. కేంద్ర మంత్రి నితిన్ గడ్కరీ, హర్షవర్ధన్, కుటుంబ సభ్యులు అంబులెన్స్ వెంట వెళ్లారు.

మొదటిసారి ముండే కేంద్ర మంత్రివర్గంలో చేరారు. కారులో విమానాశ్రయానికి వెళ్తుండగా ముండే ప్రమాదానికి గురయ్యారు.

English summary

Union minister Gopinath Munde's liver was ruptured in the road accident and he suffered a cardiac arrest due to shock, as per preliminary postmortem report by a team of doctors at AIIMS here.