నీట్ సెగకు ప్రధాన్ అవుట్: దేశ నూతన విద్యాశాఖ మంత్రి ప్రస్థానం ఇదిగో?
నీట్-యూజీ పేపర్ లీక్ వివాదం నేపథ్యంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేసిన అనంతరం ప్రహ్లాద్ జోషి విద్యా మంత్రిత్వ శాఖకు నియమితులయ్యారు. పేపర్ లీకులు, పరీక్షల్లో అవకతవకలు జరిగాయని ఆరోపిస్తూ దేశవ్యాప్తంగా విద్యార్థులు చేస్తున్న నిరసనల నేపథ్యం ధర్మంద్ర ప్రధాన్ శనివారం(జులై 25) తన పదవికి రాజీనామా చేశారు. అనంతరం ప్రహ్లాద్ జోషికి విద్యా మంత్రిత్వ శాఖ అదనపు బాధ్యతలను అప్పగించారు. ప్రధాన మంత్రి సూచన మేరకు రాష్ట్రపతి ఈ నిర్ణయం తీసుకున్నట్లు సమాచారం.
1962 నవంబర్ 27న కర్ణాటకలోని విజయపురలో జన్మించిన ప్రహ్లాద్ జోషి, భారతీయ జనతా పార్టీకి చెందిన ఓ సీనియర్ నాయకుడు. ఆయన కర్ణాటక విశ్వవిద్యాలయానికి అనుబంధంగా ఉన్న కేఎస్ ఆర్ట్స్ కళాశాల నుంచి బ్యాచిలర్ ఆఫ్ ఆర్ట్స్ (బి.ఏ) పట్టా పొందారు. రాజకీయాల్లోకి ప్రవేశించడానికి ముందు ఆయన వ్యాపార, సామాజిక రంగాలలో పనిచేశారు. ప్రహ్లాద్ జోషి 2004 నుంచి కర్ణాటకలోని ధార్వాడ్ లోక్సభ స్థానానికి ప్రాతినిధ్యం వహిస్తున్నారు. ఆయన 2004లో తన మొదటి లోక్సభ ఎన్నికలలో పోటీ చేసి, కాంగ్రెస్ అభ్యర్థి బీఎస్ పాటిల్ను ఓడించి గెలుపొందారు. ఆయన 2014 నుండి 2016 వరకు కర్ణాటక బీజేపీ రాష్ట్ర అధ్యక్షుడిగా కూడా పనిచేశారు.
ఆర్ఎస్ఎస్తో సంబంధాలు
ప్రహ్లాద్ జోషి తన తొలి రాజకీయ జీవితంలో రాష్ట్రీయ స్వయంసేవక్ సంఘ్ (RSS) తో కూడా అనుబంధం కలిగి ఉన్నారు. 1992-1994 మధ్య హుబ్లీలోని ఈద్గా మైదానంలో త్రివర్ణ పతాకాన్ని ఎగురవేసే ఉద్యమానికి నాయకత్వం వహించిన తర్వాత ఆయన ప్రాచుర్యం పొందారు. ఆయన 'సేవ్ కాశ్మీర్ ఉద్యమం'కు కూడా నాయకత్వం వహించారు. ప్రధానమంత్రి నరేంద్ర మోదీ రెండో ప్రభుత్వంలో 2019 మే 30న ప్రహ్లాద్ జోషి క్యాబినెట్ మంత్రిగా ప్రమాణ స్వీకారం చేశారు. ఆయనకు పార్లమెంటరీ వ్యవహారాలు, బొగ్గు, గనుల మంత్రిత్వ శాఖల బాధ్యతలను అప్పగించారు. ఇప్పుడు ధర్మేంద్ర ప్రధాన్ రాజీనామా తర్వాత, ఆయనకు విద్యా మంత్రిత్వ శాఖ అదనపు బాధ్యతలను అప్పగించారు.
Click it and Unblock the Notifications
Sign in with Google