వంట గ్యాస్ ధరల పై కేంద్రం కీలక ప్రకటన, ఇక తప్పదు..!!
వంటగ్యాస్ ధరల పెంపు పై కేంద్రం స్పష్టత ఇచ్చింది. పెంపు పట్ల కేంద్రం విచారం వ్యక్తం చేస్తూనే... స్పష్టమైన సంకేతాలు ఇచ్చింది. ఇతర దేశాల కంటే భారత్ లోనే ఎల్పీజీ ధర తక్కువగా ఉందని వెల్లడించింది. పశ్చిమాసియా ఉద్రిక్తతలతో ఏర్పడిన సంక్షోభం కారణంగా ధరలు పెంపు తప్పటం లేదని క్లారిటీ ఇచ్చింది. ఇప్పటికీ ఒక్కో సిలిండ్ పైన భారీగా భారం మోస్తున్నామని.. గ్లోబల్ మార్కెట్ కు అనుగుణంగా నిర్ణయాలు తీసుకోవాల్సి ఉంటుందని వివరణ ఇస్తోంది.
పెరిగిన ఎల్పీజీ ధరల పైన కేంద్ర మంత్రి ప్రహ్లాద్ జోషీ కీలక వ్యాఖ్యలు చేసారు. ప్రపంచ సంక్షోభం కారణంగా ఎల్పీజీ ధరల పెంపు అనివార్యంగా మారిందని చెప్పారు. ధరల పెంపు పట్ల కేంద్రం కూడా బాధపడుతోందని, అలాగే విచారం వ్యక్తం చేస్తోందని పేర్కొన్నారు. ప్రపంచం తీవ్రమైన సంక్షోభాల మధ్య సతమతమవుతోందని వివరించారు. రవాణా సజావుగా సాగకపోవడం, చాలా పరిమిత వనరుల నుంచే ఎల్పీజీ లభించడం వంటి సమస్యలు వెంటాడుతున్నాయని చెప్పుకొచ్చారు. వినియోగదారులకు ఎటువంటి ఇబ్బంది కలగకుండా చూసేందుకు ప్రభుత్వం వనరులను పెంచడానికి ప్రయత్నిస్తోందని చెప్పారు. రవాణా ఖర్చులు ఎక్కువగా ఉండటం తో పాటుగా మూల ధర కూడా అధికంగా ఉందని వెల్లడించారు.
కేంద్రం తాజా సంకేతాల వెనుక..!
పెట్రో ఉత్పత్తుల కు దాదాపు 45 రోజుల సమయం పడుతుండటంతో పాటుగా భీమా ఖర్చులు అదనపు భారంగా మారాయని ప్రహ్లాద్ జోషీ వివరించారు. దీంతో, గ్యాస్ ధరల పెంపు అనివార్యంగా మారిందని చెప్పుకొచ్చారు. కర్ణాటకలో ప్రస్తుత రాజకీయాల పైన కీలక వ్యాఖ్యలు చేసారు. అధికార పార్టీలో అంతర్గత అసంతృప్తి స్పష్టంగా కనిపిస్తోందని విమర్శించారు. కర్ణాటక సీఎంగా డీకే శివకుమార్ బాధ్యతలు చేపట్టిన వెంటనే ఒక మంత్రి రాజీనామా చేశారని.. మరి కొందరు మంత్రులు బహిరంగంగానే తమ అసంతృప్తిని వ్యక్తం చేశారని గుర్తుచేశారు. ఇళ్లకు వంటగ్యాస్ సిలిండర్ సరఫరాకు రూ.1,600కుపైగా ఖర్చవుతోందని ఆయిల్ కంపెనీలు చెబుతున్నాయి. హర్మూజ్ జలసంధి వద్ద ఏర్పడిన అంతరాయాల వల్ల గల్ఫ్ ప్రాంతం నుంచి సరఫరా తగ్గడంతో ఫిబ్రవరి నుంచి గ్యాస్ ఈ ప్రామాణిక ధర సుమారు 46 శాతం పెరిగిందని వెల్లడించాయి.
Click it and Unblock the Notifications
Sign in with Google