• search

తమిళనాడులో పొలిటికల్ గేమ్ ఎలా ఉండబోతోంది...బీజేపీ ఎంటర్ అయ్యే అవకాశాలున్నాయా..?

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      తమిళనాడులో పొలిటికల్ గేమ్ ఎలా ఉండబోతోంది??

      తమిళ రాజకీయాల్లో ఇప్పటికి ముగ్గురి రాజకీయ ప్రస్థానం ముగిసింది. ఎమ్జీఆర్, జయలలిత, తాజాగా కరుణానిధి ప్రస్థానాలు ముగిశాయి. ఎమ్జీఆర్ మృతితో ఆ గ్యాప్‌ను జయలలిత పూడ్చగా... ఆమె మరణంతో మాత్రం అన్నాడీఎంకే పరిస్థితి అగమ్యగోచరంగా మారింది. ఎప్పుడూ స్థిరంగా ఉంటుందో... ఎప్పుడు పడిపోతుందో తెలియని మీమాంస నెలకొంది. ఇక కరుణానిధి మరణంతో డీఎంకేకు పెద్ద దిక్కు లేకుండా పోయింది. స్టాలిన్ తండ్రి దగ్గర నుంచి రాజకీయ వారసత్వం పుచ్చుకున్నప్పటికీ పార్టీని ఎలా హ్యాండిల్ చేస్తారనేది సర్వత్రా ఆసక్తి నెలకొంది. ఎందుకంటే ఆయనకు పక్కలో బళ్లెంలా అళగిరి ఉండనే ఉన్నాడు.

      ఇదిలా ఉంటే తమిళ రాజకీయాల్లో మరో ఇద్దరు ప్రముఖ సినీ ప్రముఖులు ప్రవేశం చేశారు. వారే రజనీకాంత్, కమల్ హాసన్. కమల్ హాసన్ ఇప్పటికే మక్కల్ నీది మయం పార్టీ పెట్టి ప్రజల్లోకి వెళుతుండగా... మరో సూపర్ స్టార్ రజనీకాంత్ మాత్రం పార్టీ పెడుతున్నట్లు ప్రకటించి ఇప్పటివరకూ దాని పేరు కానీ విధివిధానాలు కానీ ప్రకటించలేదు. అమ్మ మృతితో ఆ పార్టీలో లుకలుకలు ఏర్పడటంతో పెద్ద దిక్కుగా నిలిచి అక్కడ పాగా వేయాలని భావించింది బీజేపీ. అయితే బీజేపీ నుంచి పెద్దగా ప్రజాకర్షనాయకుడు లేకపోవడంతో ఆ ఆలోచన బెడిసి కొట్టింది. ఇదే సమయంలో రజనీ కాంత్ పొలిటికల్ ఎంట్రీతో బీజేపీ కాస్త ఆశపెట్టుకుంది. రజనీకాంత్‌ స్వతహాగా ఆధ్యాత్మికత ఉన్న వ్యక్తి. అతన్ని అన్నాడీఎంకేలో చేర్పించి కానీ, అన్నాడీఎంకేతో పొత్తుతో కాని వెళ్లి ఒక రూపునివ్వాలని భావిస్తున్నట్లు వార్తలు వస్తున్నాయి. ఇందులో భాగంగానే రజనీకాంత్ పార్టీ పేరు ప్రకటన చేసేందుకు మరికొంత సమయం తీసుకుంటున్నట్లు తెలుస్తోంది.

      Who has the capability to fill the political gap in TN after three strong leaders passed away..?

      ఇక అన్నాడీఎంకే విషయానికొస్తే సీఎం ఈపీఎస్ డిప్యూటీ సీఎం ఓపీఎస్‌లు కలిసి పనిచేస్తున్నట్లు కలరింగ్ ఇచ్చినప్పటికీ ఆ పార్టీలో రెండు గ్రూపులున్నాయనేది బహిరంగ రహస్యం. కేంద్రంలోని బీజేపీ సర్కార్‌తో పన్నీర్ సెల్వంకు దగ్గర సంబంధాలున్నాయి కాబట్టి... రేపు బీజేపీకి దగ్గరైతే పార్టీ బలహీనపడే అవకాశముంది. అలాంటి పరిస్థితుల్లో మన్నార్‌గుడి బ్యాచ్‌కు చెందిన శశికళ, కొత్తగా పార్టీపెట్టిన టీటీవీ దినకరన్ మాతృపార్టీ అన్నాడీఎంకేను చీల్చి వీరు బలపడే అవకాశం ఉంది.

      ఇక గతేడాది జనవరిలో డీఎంకే వర్కింగ్ ప్రెసిడెంట్‌గా కరుణానిధి తన మూడో కుమారుడు స్టాలిన్‌ను ప్రకటించాడు. 1973 నుంచే స్టాలిన్ ప్రత్యక్ష రాజకీయాల్లో చురుకుగా పాల్గొంటున్నాడు. 1984 నుంచి ఎమ్మెల్యేగా కొనసాగుతున్నారు. 45 ఏళ్లుగా పార్టీ కార్యకర్తలు, పార్టీ నాయకులు, ఆస్తులతో సంబంధాలున్న స్టాలిన్‌కు పార్టీని ముందుకు తీసుకెళ్లే అన్ని అవకాశాలు కనిపిస్తున్నాయి. స్టాలిన్ కాస్త చాకచక్యంగా వ్యవహరించి పార్టీని నడపగలిగితే తిరిగి డీఎంకేను అధికారంలోకి తీసుకువచ్చే సత్తా స్టాలిన్‌కుంది అంటున్నారు రాజకీయ విశ్లేషకులు. కాంగ్రెస్, ఇతర చిన్నా చితకా పార్టీలతో కలిసి కూటమి ఏర్పాటు చేస్తే స్టాలిన్ బలమైన నాయకుడుగా ఎదుగుతారని వారు అభిప్రాయం వ్యక్తం చేస్తున్నారు. ప్రస్తుతం తమిళనాడు రాజకీయ పరిస్థితుల్లో డీఎంకే పార్టీ మాత్రమే ఎన్నికలను సునాయాసంగా ఎదుర్కొనగలదని చాలామంది రాజకీయ విశ్లేషకులు చెబుతున్నారు.

      తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

      English summary
      After three great leaders of Tamilnadu passed away,there is a question that had arised as who will fill the political void. Will BJP take the advantage..? Since two tamil superstars made their entry into politics what would the impact be? But political analysts say that DMK working president Stalin has all the capacity to get his party back in power if he can take clever steps like his father Karunannidhi.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more