కలకలం: ల్యాండవుతూ పైకి.. మళ్లీ కిందికి, విమానంలోనే కేసీఆర్ ఫ్యామిలీ
తిరుపతిలో రేణిగుంట విమానాశ్రయంలో ఎయిర్ ఇండియా విమానం ఒక్కసారిగా అందర్నీ ఆందోళనకు గురి చేసింది. సరిగ్గా ల్యాండ్ అయ్యే సమయంలో మళ్లీ గాల్లోకి ఎగిరింది.
చిత్తూరు: తిరుపతిలోని రేణిగుంట విమానాశ్రయంలో ఎయిర్ ఇండియా విమానం ఒక్కసారిగా అందర్నీ ఆందోళనకు గురి చేసింది. సరిగ్గా ల్యాండ్ అయ్యే సమయంలో మళ్లీ గాల్లోకి ఎగిరింది. విమానంలో సాంకేతిక లోపం తలెత్తడంతో మళ్లీ పైకి లేచింది. దీంతో విమానంలోని ప్రయాణికులు భయాందోళనకు గురయ్యారు.
ఆ తర్వాత మరో 20 నిమిషాలపాటు గాల్లో చక్కర్లు కొట్టి, ఆ తర్వాత సురక్షితంగా ల్యాండ్ అయింది. దీంతో అందరూ ఊపిరి పీల్చుకున్నారు. కాగా, అదే విమానంలో తెలంగాణ ముఖ్యమంత్రి కె చంద్రశేఖర్ రావు కుటుంబసభ్యులు, అధికారులు కూడా ఉన్నారు. ఈ ఘటనపై విమానాశ్రయ అధికారులు ఆరా తీస్తున్నారు.
తన కోరిక అయిన తెలంగాణ సిద్ధించిన నేపథ్యంలో తిరుమల వెంకన్నకు మొక్కులు చెల్లించుకునేందుకు కేసీఆర్ తిరుమల వెళ్తున్న సంగతి తెలిసిందే. ప్రత్యేక విమానంలో ఆయన హైదరాబాద్ నుంచి ఈ సాయంత్రం బయల్దేరుతున్నారు. కాగా, అంతకు ముందే ఆయన కుటుంబసభ్యులు ఎయిరిండియా విమానంలో తిరుపతికి చేరుకున్నారు.
Click it and Unblock the Notifications
Sign in with Google