వాగుడుకాయ: విద్యార్థి నోటికి ప్లాస్టర్ వేసిన టీచర్
వాగుడుకాయ నోటికి ఓ టీచర్ ప్లాస్టర్ వేయడం వివాదంగా మారింది. తరగతి గదిలో అతిగా వాగుతున్నాడనే కారణంతో టీచర్ ఐదేళ్ల విద్యార్థి నోటికి ప్లాస్టర్ వేసి నోరు మూయించింది.
హైదరాబాద్: వాగుడుకాయ నోటికి ఓ టీచర్ ప్లాస్టర్ వేయడం వివాదంగా మారింది. తరగతి గదిలో అతిగా వాగుతున్నాడనే కారణంతో టీచర్ ఐదేళ్ల విద్యార్థి నోటికి ప్లాస్టర్ వేసి నోరు మూయించింది. ఈ సంఘటన హైదరాబాదులోని పుప్పాలగుడాలో శుక్రవారం చోటు చేసుకుంది.
ఆ సంఘటనపై విద్యార్థి ల్లిదండ్రులు పోలీసులకు ఫిర్యాదు చేశారు. సెసేమ్ స్కూల్లో యుకెజి చదువుతున్న విద్యార్థి తోటి విద్యార్థులతో అతి మాట్లాడుతుండడాన్ని స్కూల్ టీచర్ ఆస్రా గుర్తించారు. మాట్లాడొద్దని ఒక్కటికి రెండుమార్లు హెచ్చరించారు.
అయినా విద్యార్థి వినలేదు. దీంతో ఆస్రా ఆ బాలుడి నోటికి ప్లాస్టర్ వేసింది. ఇంటికి తిరిగి వచ్చిన తర్వాత బాలుడు విషయాన్ని తల్లిదండ్రులకు చెప్పాడు. విషయం తెలుసుకోవడానికి బాలుడి తల్లి సౌమ్య పాఠశాల ప్రిన్సిపాల్కు ఫోన్ చేసింది. అయితే అక్కడి నుంచి ఏ విధమైన ప్రతిస్పందన కూడా రాలేదు.
దాంతో తల్లిదండ్రులు పోలీసులకు ఫిర్యాదు చేశారు. టీచర్పై జువెనైల్ జస్టిస్ యాక్ట్ 82 సెక్షన్ ప్రకారం కేసు నమోదు చేసినట్లు నార్సింగ్ ఇన్స్పెక్టర్ రమణ గౌడ్ చెప్పారు.
Click it and Unblock the Notifications
Sign in with Google