వరంగల్ బిడ్డకు అర్జున అవార్డు
తెలంగాణ రాష్ట్రానికి చెందిన అథ్లెట్ దీప్తి జీవాంజికు అరుదైన గౌరవం దక్కింది. 2024గానూ విశిష్ట క్రీడా పురస్కారం అయిన అర్జున అవార్డు దీప్తి జీవాంజికు దక్కింది. కేంద్రం ప్రకటించిన అర్జున అవార్డు లిస్ట్లో దీప్తి జీవాంజి పేరు కూడా ఉంది. దీంతో అర్జున అవార్డు దక్కించుకున్న వరంగల్ బిడ్డగా దీప్తి జీవాంజి అరుదైన గౌరవం దక్కించుకుంది. దీప్తి జీవాంజి ఒక ప్రతిభావంతురైన పారా-అథ్లెట్ అని చెప్పడం ఎటువంటి అనుమానం లేదు. తన అసాధారణమైన కృషి మరియు పట్టుదలతో ఆమె భారతదేశానికి అనేక పతకాలు అందించింది.
ముఖ్యంగా, మహిళల 400 మీటర్లలో ఆమె సాధించిన విజయాలు ప్రశంసనీయమైనవి. జపాన్లోని కోబ్లో జరిగిన 2024 పారా అథ్లెటిక్స్ ప్రపంచ ఛాంపియన్షిప్ పోటీల్లో దీప్తి జీవాంజి 400 మీటర్ల టీ20 విభాగంలో ప్రపంచ రికార్డును నెలకొల్పి భారత్కు స్వర్ణ పతకాన్ని అందించింది.2023 ఆసియా పారా గేమ్స్ పోటీల్లో కూడా దీప్తి జీవాంజి 400 మీటర్ల టీ20 విభాగంలో ఆసియా రికార్డును బద్దలు కొట్టింది. దీప్తి జీవాంజి పారిస్ పారాలింపిక్స్కు కూడా అర్హత సాధించింది.దీప్తి జీవాంజి తెలంగాణ రాష్ట్రంలోని వరంగల్ జిల్లా పర్వతగిరి మండలం కల్లెడ గ్రామంలో జన్మించారు.
దీప్తి జీవాంజి తన జీవితంలో అనేక సవాళ్లను ఎదుర్కొంది. అయినప్పటికీ, తన లక్ష్యంపై దృష్టి సారించి కష్టపడడం ద్వారా ఆమె అన్ని అడ్డంకులను అధిగమించింది. ఆమె తన కష్టాలను బలంగా మార్చుకుని, ప్రపంచానికి ఒక స్ఫూర్తిగా నిలిచింది.దీప్తి జీవాంజికు అర్జున అవార్డు రావడంపై తెలంగాణ సీఎం రేవంత్ రెడ్డి స్పందించారు. పారాలింపిక్స్లో భారత్ తరఫున కాంస్య పతకం సాధించిన తెలంగాణ యువ అథ్లెట్, వరంగల్ జిల్లా దీప్తి జీవాంజి విశిష్ట క్రీడా పురస్కారం అర్జున అవార్డు 2024 కు ఎంపిక కావడం పట్ల ముఖ్యమంత్రి రేవంత్ రెడ్డి అభినందనలు తెలియజేశారు.
పారాలింపిక్స్లో భారత్ తరఫున కాంస్య పతకం సాధించిన తెలంగాణ యువ అథ్లెట్, వరంగల్ జిల్లా ముద్దుబిడ్డ దీప్తి జీవాంజి గారు విశిష్ట క్రీడా పురస్కారం అర్జున అవార్డు 2024 కు ఎంపిక కావడం పట్ల ముఖ్యమంత్రి @revanth_anumula గారు అభినందనలు తెలియజేశారు.
— Telangana CMO (@TelanganaCMO) January 2, 2025
🏅అంతర్జాతీయ, జాతీయ క్రీడల్లో సత్తా చాటే… https://t.co/YbjdeQJe8u pic.twitter.com/VpVys2GSh0
అంతర్జాతీయ, జాతీయ క్రీడల్లో సత్తా చాటే యువ క్రీడాకారులను ప్రోత్సహించాలనే ప్రజా ప్రభుత్వ స్పోర్ట్స్ పాలసీలో భాగంగా ముఖ్యమంత్రి గారి చేతుల మీదుగా 1 కోటి రూపాయలు, కోచ్ నాగపురి రమేష్ గారికి రూ. 10 లక్షల నగదు బహుమతిని గతంలోనే అందజేశారు. అదే సమయంలో దీప్తి గారికి గ్రూప్-2 స్థాయి ప్రభుత్వ ఉద్యోగంతో పాటు వరంగల్లో 500 గజాల స్థలం కేటాయించాలని నిర్ణయించిన విషయం తెలిసిందే. తెలంగాణ యువ క్రీడాకారులు మరింతగా రాణించాలని, యంగ్ ఇండియా స్పోర్ట్స్ యూనివర్సిటీ, రాష్ట్ర వ్యాప్తంగా నిర్మితం కానున్న స్పోర్ట్స్ కాంప్లెక్సులు అందుకు దోహదపడతాయని ఈ సందర్భంగా ముఖ్యమంత్రి పేర్కొన్నారు.2024లో వివిధ క్రీడల్లో ప్రతిభ కనబరిచి అర్జున, ద్రోణాచార్య అవార్డులకు ఎంపికైన క్రీడాకారులు, కోచ్లకు ముఖ్యమంత్రి రేవంత్ రెడ్డి అభినందనలు తెలియజేశారు.
Click it and Unblock the Notifications
Sign in with Google