బ్రిటన్ లో జీయర్ స్వామి మహా ప్రవచనం

మిల్టన్ కీనెస్: యునైటెడ్‌ కింగ్‌డమ్‌ (యుకె)లో శ్రీశ్రీశ్రీ చినజీయర్‌ స్వామి ప్రవాసాంధ్రులకు ప్రవచనమిచ్చారు. మిల్టన్‌ కీనెస్‌లోని బోబ్రిక్‌ హిల్‌ హాల్‌లో నిర్వహించిన ఈ ఆద్యాత్మిక కార్యక్రమంలో 100 మందికి పైగా ప్రవాసాంధ్రులు పాల్గొన్నారు. ముందుగా డాక్టర్‌ సత్యనారాయణ మూర్తి జీయర్‌ ఎడ్యుకేషన్‌ ట్రస్టు గురించి ఆహూతులకు వివరించారు. అనంతరం చినజీయర్‌ స్వామి దీపారాధన చేసి ప్రవచనం ఇచ్చారు.

రామాయణాన్ని వివరించి భక్తుల సందేహాలకు సమాధానాలు ఇచ్చారు. తదుపరి ఎమ్‌ కె భక్తి ఆర్గనైజేషన్‌ ఆధ్వర్యంలో డాక్టర్‌ వివేక్‌ కడియాల, లక్ష్మి కడియాల జీయర్‌ ఎడ్యుకేషనల్‌ ట్రస్టు (జెట్‌)ను ప్రారంభించారు. ఈ కార్యక్రమ నిర్వహణకు డాక్టర్‌ సత్యనారాయణ మూర్తి, శారద మూర్తి, కమలశ్రీ, అనిల్‌, ప్రత్యూష, చరణ్‌, సంధ్య, అనిల్‌, కిరణ్‌, వాసు తదితరులు కృషి చేసారు.