కోరిక తీర్చాలని వెంటపడిన వ్యక్తి, మహిళ ఆత్మహత్య

విశాఖ: మహిళలపై అత్యాచారాలను నిర్మూలించాలనే ఉద్దేశంతో అమలులోకి తీసుకొచ్చిన నిర్భయ చట్టం కామాంధులపై ఎలాంటి ప్రభావం చూపించలేకపోతోంది. జిల్లాలోని ఎస్ రాయవరంలో ఓ వ్యక్తి వేధింపులు తాళలేక బాధిత మహిళ ఆత్మహత్యకు పాల్పడింది. ఘటనకు సంబంధించిన వివరాలు ఇలా ఉన్నాయి.

రాయవరం పోలీస్ స్టేషన్ సమీపంలో నివాసముంటున్న ఓ మహిళలపై గత కొంతకాలంగా లక్కోజు రాజేష్ అనే వ్యక్తి లైంగిక వేధింపులకు పాల్పడుతున్నాడు. రాజేష్‌ను తన ప్రవర్తన మార్చుకోవాలని ఆ మహిళ పలుమార్లు హెచ్చరించింది. అయినా రాజేష్ తన వేధింపులను అలాగే కొనసాగించాడు.

మహిళకు తన కోరిక తీర్చమని ఫోన్ చేసి మరీ బెదిరింపులకు పాల్పడటంతో ఎక్కడ పరువు పోతుందోనని తీవ్ర మనస్తాపానికి గురైన బాధితురాలు ఆత్మహత్య చేసుకుంది. రాజేష్ వేధింపుల విషయంపై బాధితురాలి బంధువులు పోలీసులను ఆశ్రయించినా వారు పట్టించుకోలేనదని ఆవేదన వ్యక్తం చేశారు.

మహిళ ఆత్మహత్య చేసుకోవడంతో మృతురాలి బంధువులు, స్థానికులు ఆందోళనకు దిగారు. నిందితున్ని వెంటనే అరెస్ట్ చేయాలని, కఠినంగా శిక్షించాలని వారు డిమాండ్ చేశారు.

English summary

A Women allegedly assult by A Man and she committed to suicide in S. Rayavaram in Visakhapatnam District.