• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రోశయ్య క్యాబినెట్ లో చిరంజీవి

By Pratap
|
Chiranjeevi
ముఖ్యమంత్రి కె. రోశయ్య మంత్రివర్గంలో చేరేందుకు ప్రజారాజ్యం పార్టీ అధ్యక్షుడు చిరంజీవి అంగీకరించినట్లే. ప్రజారాజ్యం పార్టీ శాసనసభ్యుడు సత్యానంద రావు వెల్లడించిన విషయాలు ఈ విషయాన్ని తెలియజేస్తున్నాయి. సత్యానందరావు ఆంధ్రజ్యోతి ఎబిఎన్ న్యూస్ చానెల్ ప్రతినిధితో కాంగ్రెసు ప్రభుత్వంలో తమ పార్టీ చేరే విషయాన్ని ధ్రువీకరించారు. ఈ విషయంపై ప్రాథమిక చర్చలు జరుగుతున్నాయని ఆయన చెప్పారు. మంత్రివర్గంలో చేరే విషయంపై ఇటీవల చిరంజీవి స్వయంగా కాంగ్రెసు అధ్యక్షురాలు సోనియా గాంధీతో రహస్య మంతనాలు జరిపారని ప్రచారం జరిగింది. అయితే, ఆ ప్రచారాన్ని ప్రజారాజ్యం పార్టీ నాయకులు ఖండించారు. కానీ, ప్రస్తుత పరిణామాలను బట్టి సోనియాతో ఆయన కలిసిన మాట వాస్తవమేనని అర్థం చేసుకోవచ్చు. అమెరికాకు వెళ్లే ముందు చిరంజీవి సోనియాతో మాట్లాడారని వార్తలు కూడా వచ్చాయి.

మంత్రివర్గంలో చేరడం ద్వారా పార్టీ క్యాడర్ ను కాపాడుకోవాలనే ఉద్దేశంతో చిరంజీవి ఉన్నట్లు చెబుతున్నారు. ప్రభుత్వంలో చేరడం వల్ల పార్టీ క్యాడర్ ను నిలుపుకోవడానికి వీలవుతుందని, స్థానిక సంస్థల ఎన్నికల్లో తమకు ప్రయోజనం చేకూరుతుందని సత్యానంద రావు అన్నారు. కాంగ్రెసుతో పొత్తు ఇరు పార్టీలకు ఉపయోగపడుతుందని కూడా ఆయన అభిప్రాయపడుతున్నారు. అధికారంలో ఉండడం ద్వారా పార్టీ క్యాడర్ ను నిలుపుకోవడానికి, పార్టీ కార్యకర్తలకు పనులు చేసి పెట్టడానికి వీలవుతుందని భావిస్తున్నారు.

ప్రభుత్వంలో చేరి నిమ్మకు నీరెత్తినట్లు వ్యవహరించకుండా పార్టీని బలోపేతం చేసేందుకు తగిన చర్యలు తీసుకోవాలని కూడా ప్రజారాజ్యం నాయకత్వం భావిస్తోంది. ఇందులో భాగంగానే చిరంజీవి సోదరుడు నాగబాబు అభిమానులతో వరుస సమావేశాలు నిర్వహిస్తున్నారు. వారిలో విశ్వాసాన్ని కలిగించే ప్రయత్నాలు చేస్తున్నారు. ప్రభుత్వంలో చేరిన తర్వాత కూడా సమస్యలపై పోరాటం చేయాలనేది చిరంజీవి అభిమతంగా చెబుతున్నారు. ఏమైనా, చిరంజీవికి మంచిరోజులు వస్తాయా అనేది వేచి చూడాల్సిందే.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X