అందుకే చంద్రబాబు ఢిల్లీకి డుమ్మా?

By Srinivas

Published: Monday, December 12, 2011, 16:35 [IST]

ప్రముఖ సామాజిక సంస్కర్త అన్నా హజారే న్యూఢిల్లీలో ఆదివారం చేపట్టిన ఒక్కరోజు దీక్షకు తెలుగుదేశం పార్టీ అధినేత నారా చంద్రబాబు నాయుడు వెళ్లాలనుకున్నప్పటికీ వెళ్ల లేక పోయారట. హజారే దీక్షలో పాల్గొనాల్సిన బాబు తనపై అవినీతి కేసులు ఉండటంతోనే ఢిల్లీకి మొహం చాటేశారని సాక్షి పేర్కొంది. ఇతర పార్టీ నేతలతో పాటు చంద్రబాబు కూడా వస్తున్నారని అన్నా టీం సభ్యుడు కేజ్రీవాల్ ప్రకటించారు. అయితే కోర్టులో అవినీతి కేసులు ఎదుర్కొంటున్నందున చంద్రబాబును దీక్షా వేదిక పైకి అనుమతించే అంశంపై ఢిల్లీ వర్గాల్లో చర్చ జరిగిందట. ఇది కాస్త అన్నా దృష్టికి వెళ్లిందంట.

ఈ విషయం తెలిసిన ఢిల్లీ టిడిపి వర్గాలు ఆగమేఘాల మీద హైదరాబాద్ చేరవేశారని, దీంతో ఇప్పుడున్న పరిస్థితుల్లో ఢిల్లీ వెళ్లక పోవడమే ఉత్తమమని భావించిన చంద్రబాబు క్యాన్సిల్ చేసుకున్నారట. మొదట బాబు వెళ్లేందుకే మొగ్గు చూపడంతో నేతల ఒత్తిడి మేరకు వెనక్కి తగ్గారని, ఆ తర్వాత ఎర్రన్నాయుడుని టిడిపి తరఫున పంపించారని పేర్కొంది.

Published On December 12, 2011