• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలం'గానం': సిఎంపై రూటుమార్చిన బొత్స

By Srinivas
|

Botsa Satyanarayana
ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ రూటు మార్చారా అంటే అవుననే అంటున్నారు రాజకీయ పరిశీలకులు. బొత్స పిసిసి చీఫ్‌గా బాధ్యతలు చేపట్టిన అనంతరం ముఖ్యమంత్రి పదవి కోసం తీవ్రంగా ప్రయత్నాలు చేశారని, అయితే ఆయన ఇప్పుడు తన పదవిని 2014 వరకు రక్షించుకునే పనిలోనే ఉన్నారనే వాదనలు వినిపిస్తున్నాయి. బొత్సకు, ముఖ్యమంత్రి కిరణ్ కుమార్ రెడ్డికి మధ్య తీవ్రస్థాయిలో విభేదాలు ఉన్నాయనే వార్తలు వచ్చిన విషయం తెలిసిందే. ఇరువురు ఒకరిపై మరొకరు అధిష్టానానికి ఫిర్యాదులు చేసుకున్నారు కూడా. వారి మధ్య సయోధ్య కుదుర్చేందుకు అధిష్టానం కూడా తీవ్రంగానే ప్రయత్నాలు చేసింది. ఒకరికి మరొకరు చెక్ పెట్టుకునేందుకే ప్రయత్నాలు చేస్తూ వచ్చారు. ఇటీవలి వరకు బొత్స తాను ముఖ్యమంత్రి పీఠం ఎక్కేందుకు తన వంతు ప్రయత్నాలు చేశారట. అయితే ప్రస్తుతం అధిష్టానం తెలం'గానం' కారణంగా ఆయన కాస్త వెనక్కి తగ్గారని అంటున్నారు.

సకల జనుల సమ్మె తర్వాత అధిష్టానం తెలంగాణ నేతలపై దృష్టి పెట్టినట్లుగా సమాచారం. త్వరలో ఉప ఎన్నికలు కూడా రానున్నాయి. ఇలాంటి క్లిష్ట పరిస్థితుల్లో అధిష్టానం ఆ ప్రాంతం పైనే దృష్టి సారించింది. ఇరవై రోజుల క్రితం చిరంజీవి వర్గాన్ని మంత్రివర్గంలోకి తీసుకోవడానికి అనుమతించిన హైకమాండ్ ఇప్పుడు ఇద్దరు తెలంగాణ మంత్రులను తీసుకునేందుకు అంగీకరించడం అందులో భాగమే. అదే సమయంలో ముఖ్యమంత్రులను మార్చే సంస్కృతి ఉన్న అపప్రదను తొలగించుకునేందుకు కష్టమైనా నష్టమైనా కిరణ్‌నే తొలగించాలని భావిస్తోంది. ఒకవేళ అలాంటి పరిస్థితే ఎదురైతే శాసనమండలి సభ్యుడు డి.శ్రీనివాస్ వంటి తెలంగాణ నేతల వైపు దృష్టి సారిస్తోంది. డిఎస్ కూడా బొత్స సామాజిక వర్గానికి చెందిన వారే. ఆయనకు తెలంగాణ సెంటిమెంట్ కలిసి వస్తుంది. ఇలాంటి పరిస్థితుల్లో సిఎం పీఠం కోసం కన్నేయడం సరికాదని బొత్స భావిస్తున్నారని అంటున్నారు.

పిసిసి చీఫ్‌గా బాధ్యతలు చేపట్టినప్పటికీ ఆయన పార్టీ పైన దృష్టి సారించింది లేదనే వాదనలు వినిపిస్తున్నాయి. పీఠంపై కన్నేసిన ఆయన అటువైపు ప్రయత్నాలు చేయడం మినహా పార్టీ బలోపేతానికి పెద్దగా చేసిందేమీ లేదని అంటున్నారు. ఇటీవల గులాం నబీ ఆజాద్ రాష్ట్రానికి వచ్చినప్పుడు ఆయనపై పలువురు ఫిర్యాదులు చేశారు. దీంతో ఆయన పార్టీపై దృష్టి సారించి తన పదవిని 2014 వరకు కాపాడుకునే ప్రయత్నంలో పడ్డట్లుగా కనిపిస్తోందని అంటున్నారు. ఆ ఎన్నికలలోగా పార్టీని బలోపేతం చేయడంతో పాటు తన కమాండ్‌లోకి తీసుకు వస్తే పీఠమెక్కడం సులువవుతుందని ఆయన భావిస్తున్నారని అంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
It seems, PCC chief Botsa Satyanarayana changed his strategy on CM post. Now he is trying to protect his PCC chief post till 2014.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more