బంగ్లా తో సిరీస్ ఓటమి.. ! వరుస అవమానాలతో కామెడీ పీస్ అయిన పాక్

బంగ్లాదేశ్ పర్యటనలో పాకిస్థాన్ జట్టుకు చుక్కెదురైంది. 11 ఏళ్ల తర్వాత బంగ్లాదేశ్ చేతిలో వన్డే సిరీస్‌ను కోల్పోయి పాకిస్థాన్ పరాభవాన్ని మూటగట్టుకుంది. మూడు వన్డేల సిరీస్‌ను బంగ్లాదేశ్ 2-1తో కైవస చేసుకుంది. నిర్ణయాత్మక మూడో వన్డేలో 11 పరుగుల తేడాతో ఓడిపోయిన తర్వాత పాకిస్థాన్ కెప్టెన్ షాహీన్ అఫ్రిది చేసిన కామెంట్స్ ఇప్పుడు క్రికెట్ వర్గాల్లో చర్చనీయాంశంగా మారాయి. సిరీస్ ఓడిపోయినప్పటికీ తన జట్టు ప్రదర్శనపై తనకు గర్వంగా ఉందని ఆయన పేర్కొనడం ఆశ్చర్యం కలిగిస్తోంది.