కళ్లు చెదిరే జీతంతో "బ్యాంక్ ఆఫ్ బరోడా" ఉద్యోగాలు..

దేశవ్యాప్తంగా ఉద్యోగార్థులకు శుభవార్త. బ్యాంక్ ఆఫ్ బరోడా వివిధ విభాగాల్లో మొత్తం 104 పోస్టుల భర్తీకి నోటిఫికేషన్ విడుదల చేసింది. బ్యాంకింగ్ రంగంలో కెరీర్‌ను నిర్మించుకోవాలనుకునే అభ్యర్థులకు ఇది మంచి అవకాశం. అర్హులైన అభ్యర్థులు మార్చి 27, 2026 నుంచి ఏప్రిల్ 16, 2026 వరకు ఆన్‌లైన్ ద్వారా దరఖాస్తు చేసుకోవచ్చు.

పోస్టుల వివరాలు..

ఈ నోటిఫికేషన్‌లో ఉన్న ఖాళీలను విభాగాల వారీగా చూస్తే.. ఏవీపీ II గ్రూప్ హెడ్ పోస్టులు 4, ఏవీపీ II టెరిటరీ హెడ్ పోస్టులు 17 ఉన్నాయి. అలాగే డిప్యూటీ మేనేజర్ కేటగిరీలో సీనియర్ రిలేషన్‌షిప్ మేనేజర్ పోస్టులు 70, వెల్త్ స్ట్రాటజిస్ట్ పోస్టులు 13 ఉన్నాయి. మొత్తం 104 పోస్టులు భర్తీ చేయనున్నారు.

అర్హతలు & అనుభవం..

ఈ పోస్టులకు దరఖాస్తు చేసే అభ్యర్థులు సంబంధిత విభాగంలో డిగ్రీ లేదా సమాన అర్హత కలిగి ఉండాలి. అంతేకాకుండా, నోటిఫికేషన్‌లో పేర్కొన్న విధంగా బ్యాంకింగ్, ఫైనాన్స్ లేదా సంబంధిత రంగాల్లో పని అనుభవం తప్పనిసరి. అనుభవం స్థాయి పోస్టును బట్టి మారుతుంది, ముఖ్యంగా సీనియర్ పోస్టులకు ఎక్కువ అనుభవం అవసరం ఉంటుంది.

వయోపరిమితి..

మార్చి 1, 2026 నాటికి అభ్యర్థుల వయస్సును పరిగణనలోకి తీసుకుంటారు. ఏవీపీ II గ్రూప్ హెడ్ పోస్టులకు 31 నుంచి 45 సంవత్సరాలు, టెరిటరీ హెడ్ పోస్టులకు 27 నుంచి 40 సంవత్సరాలు ఉండాలి. డిప్యూటీ మేనేజర్ (సీనియర్ రిలేషన్‌షిప్ మేనేజర్) పోస్టులకు 24 నుంచి 35 సంవత్సరాలు, వెల్త్ స్ట్రాటజిస్ట్ పోస్టులకు 24 నుంచి 45 సంవత్సరాల మధ్య వయస్సు ఉండాలి.

ప్రభుత్వ నిబంధనల ప్రకారం వయో సడలింపులు కూడా ఉంటాయి. ఎస్సీ/ఎస్టీ అభ్యర్థులకు 5 సంవత్సరాలు, ఓబీసీలకు 3 సంవత్సరాలు, పీడబ్ల్యూడీ అభ్యర్థులకు గరిష్టంగా 10 సంవత్సరాల వరకు సడలింపు ఉంటుంది.

జీతభత్యాలు & ప్రయోజనాలు..

ఈ పోస్టులకు ఎంపికైన అభ్యర్థులకు ఆకర్షణీయమైన జీతభత్యాలు అందించనున్నారు. డిప్యూటీ మేనేజర్ స్థాయి పోస్టులకు సుమారు ₹6 లక్షల నుంచి ₹12 లక్షల వరకు వార్షిక వేతనం (CTC) ఉండే అవకాశం ఉంది.

ఏవీపీ II స్థాయి పోస్టులకు అనుభవం, బాధ్యతల ఆధారంగా ₹12 లక్షల నుంచి ₹25 లక్షల వరకు వార్షిక వేతనం ఉండవచ్చు. అదనంగా హౌస్ రెంట్ అలవెన్స్ (HRA), డియర్‌నెస్ అలవెన్స్ (DA), మెడికల్ బెనిఫిట్స్, పర్ఫార్మెన్స్ బోనస్ వంటి సౌకర్యాలు కూడా లభిస్తాయి.

దరఖాస్తు ఫీజు..

దరఖాస్తు ఫీజు జనరల్, ఓబీసీ, ఈడబ్ల్యూఎస్ అభ్యర్థులకు ₹850గా నిర్ణయించారు. ఎస్సీ, ఎస్టీ, పీడబ్ల్యూడీ, ఈఎస్‌ఎం, డీఈఎస్‌ఎం, మహిళా అభ్యర్థులకు ₹175 మాత్రమే చెల్లించాలి.

ఎంపిక ప్రక్రియ..

అభ్యర్థుల ఎంపిక మూడు దశల్లో జరుగుతుంది. ముందుగా రాత పరీక్ష నిర్వహిస్తారు. తర్వాత సైకోమెట్రిక్ టెస్ట్ ద్వారా అభ్యర్థుల నైపుణ్యాలను అంచనా వేస్తారు. చివరగా ఇంటర్వ్యూ ద్వారా తుది ఎంపిక జరుగుతుంది. కొన్ని పోస్టులకు అనుభవం ఆధారంగా షార్ట్‌లిస్టింగ్ కూడా ఉండవచ్చు.

దరఖాస్తు విధానం..

అర్హులైన అభ్యర్థులు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. దరఖాస్తు సమయంలో అవసరమైన సర్టిఫికెట్లు, ఫోటో, సంతకం వంటి వివరాలను అప్లోడ్ చేయాలి. ఏప్రిల్ 16, 2026 చివరి తేదీ కావడంతో, చివరి నిమిషం వరకు వేచి ఉండకుండా ముందుగానే అప్లై చేయడం మంచిది. అనుభవం ఉన్న అభ్యర్థులు తప్పక ఈ అవకాశాన్ని వినియోగించుకోవాలి.

English summary

Good news for job seekers across the country. Bank of Baroda has released a notification for the recruitment of a total of 104 posts in various departments. This is a good opportunity for candidates who want to build a career in the banking sector.