ఆ తెలుగు సినిమా అంటే అసహ్యం.. రాధికా ఆప్టే సెన్సేషనల్ కామెంట్స్!

ప్రముఖ బాలీవుడ్ నటి రాధికా ఆప్టే దక్షిణాది సినీ ఇండస్ట్రీలో తనకు ఎదురైన ఓ చేదు అనుభవాన్ని పంచుకుంటూ సెన్సేషనల్ కామెంట్స్ చేశారు. ఓ తెలుగు సినిమాలో నటించినప్పుడు ఎదురైన పరిస్థితులు తనకు ఎంతమాత్రం నచ్చలేదని.. ఆ సినిమాకు సంబంధించిన ప్రతి విషయాన్ని తాను అసహ్యించుకున్నానని ఆమె సంచలన ఆరోపణలు చేశారు.

వివాదానికి దారితీసిన కామెంట్స్
ఇటీవల నటి కీర్తి సురేష్‌తో కలిసి నటించిన ఓ వెబ్ సిరీస్ ప్రమోషన్లలో భాగంగా ఇచ్చిన ఇంటర్వ్యూలో రాధికా ఆప్టే మాట్లాడారు. "నేను ఓ తెలుగు సినిమా చేశాను. అందులో నా బావను పెళ్లిచేసుకునే పాత్రలో నటించాల్సి వచ్చింది. నా కెరీర్లోనే అది అత్యంత కష్టమైన పాత్ర. ఆ వాతావరణం, అక్కడి ఆలోచనా విధానం పూర్తిగా పితృస్వామ్య యుతంగా అనిపించాయి. నిజం చెప్పాలంటే ఆ సినిమాలోని ప్రతీ విషయాన్ని నేను తీవ్రంగా అసహ్యించుకున్నాను" అని రాధికా ఆప్టే స్పష్టం చేశారు.

అంతే కాకుండా తన కంటే వయసులో చాలా పెద్దవారైన హీరోతో రొమాన్స్ చేయాల్సి రావడం పెద్ద సవాలుగా మారిందని పేర్కొన్నారు. "సినిమా మధ్యలోనే ఆ పాత్ర చనిపోతుంది. నన్ను భుజంపై వేసుకుని విసిరేసి ఆ తర్వాత యాక్షన్ సీన్ చేయాలి. ఈ పాత్ర ఎప్పుడు ముగుస్తుందా అని నేను ఎదురుచూశాను" అని నటి రాధికా ఆప్టే వివరించారు. రాధికా మాటలు విని పక్కనే ఉన్న కీర్తి సురేష్ తొలుత ఆశ్చర్యపోయినప్పటికీ.. తెలుగు, తమిళ సాంప్రదాయాలలో మేనరిక వివాహాలు సాధారణమేనని వివరించే ప్రయత్నం చేశారు.

ఆ సినిమా ఏమిటంటే?
ఇంటర్వ్యూలో రాధికా ఆప్టే ఏ సినిమా పేరునూ నేరుగా ప్రస్తావించనప్పటికీ.. ఆమె చెప్పిన సీన్ల ఆధారంగా అది బోయపాటి శ్రీను దర్శకత్వంలో 2014లో వచ్చిన లెజెండ్ సినిమానేనని నెటిజన్లు, సినీ విశ్లేషకులు భావిస్తున్నారు. ఆ సినిమాలో నందమూరి బాలకృష్ణ హీరోగా నటించారు. ఈ సినిమా విడుదలైన సమయంలో బాలకృష్ణ వయసు 54 సంవత్సరాలు కాగా.. రాధికా ఆప్టే వయసు 29 ఏళ్లు. వీరిద్దరి మధ్య దాదాపు 25 ఏళ్ల వయసు తేడా ఉంది. ప్రస్తుతం రాధికా ఆప్టే చేసిన ఈ కామెంట్స్ టాలీవుడ్‌తో పాటు సోషల్ మీడియాలో తీవ్ర చర్చనీయాంశంగా మారాయి.

Radhika Apte has opened up about her experience working in Telugu cinema, revealing that she was asked to marry her own cousin in a film. She also spoke about being paired opposite a much older actor and how her character was killed off halfway through the movie.The film in question is Legend (2014), starring Nandamuri Balakrishna. But if she had a problem with the storyline or romancing an older actor, wouldn't she have known about the script and the hero before signing the film? She agreed to do the movie back then, yet is raising these issues years later while calling out patriarchy in the industry.

— Amit Kumar Sindhi (@AMIT_GUJJU) November 2, 2026

English summary

Actress Radhika Apte makes controversial remarks about working in a Telugu movie opposite a much older lead actor, hinting at Balakrishna's 2014 hit Legend.