గ్రాండ్గా రిలీజ్ రెడీ అయిన 'ఇట్లు మీ ఎదవ'
ఈ మధ్యకాలంలో యూత్ఫుల్ ఫ్యామిలీ ఎంటర్టైనర్లకు వస్తున్న ఆదరణ అంతా ఇంతా కాదు. ఆ కోవలోనే, 'సంజీవని ప్రొడక్షన్స్' బ్యానర్ పై బళ్లారి శంకర్ నిర్మిస్తున్న 'ఇట్లు మీ ఎదవ' సినిమా నవంబర్ 21న ప్రేక్షకుల ముందుకు రానుంది. ఈ సినిమా ట్రైలర్ ఇప్పటికే అంచనాలను పెంచగా, ప్రముఖ డిస్ట్రిబ్యూషన్ సంస్థల భాగస్వామ్యంతో ఈ చిత్రం గ్రాండ్గా విడుదల కాబోతోంది.
ఈ చిత్రానికి బిజినెస్ పరంగా భారీ మద్దతు లభించింది. నైజాం (నిజాం) ప్రాంతంలో ఈ చిత్రాన్ని మైత్రి మూవీ డిస్ట్రిబ్యూటర్స్ LLP విడుదల చేస్తుండగా, ఆంధ్ర మరియు సీడెడ్ ప్రాంతాలలో ప్రైమ్ షో ఎంటర్టైన్మెంట్ రిలీజ్ చేయనుంది. ఈ రెండు అగ్రశ్రేణి సంస్థలు డిస్ట్రిబ్యూషన్ బాధ్యతలు తీసుకోవడంతో 'ఇట్లు మీ ఎదవ'కు మంచి థియేటర్ల సంఖ్య లభించనుంది.
ఈ చిత్రానికి R P పట్నాయక్ సంగీతం అందించగా, పాటలు , నేపథ్య సంగీతంపై మంచి అంచనాలు ఉన్నాయి.జగదీష్ చీకటి డీఓపీగా, ఉద్ధవ్ SB ఎడిటర్గా వ్యవహరించారు.
ఈ సినిమాలో కథకు బలం చేకూర్చేలా అనుభవజ్ఞులైన నటీనటులు కీలక పాత్రలు పోషించారు. తనికెళ్ల భరణి, గోపరాజు రమణ, దేవీ ప్రసాద్ వంటి సీనియర్ నటులు ఉండగా, హాస్యాన్ని పండించేందుకు తాగుబోతు రమేష్, చలాకీ చంటి, జబర్దస్త్ నూకరాజు, జెమినీ సురేష్ వంటి ప్రముఖ కమెడియన్లు కూడా భాగమయ్యారు. నవంబర్ 21న థియేటర్లలో సందడి చేయనున్న ఈ యూత్ఫుల్ ఫ్యామిలీ ఎంటర్టైనర్, ప్రేక్షకుల ఆదరణను ఏ మేరకు పొందుతుందో చూడాలి.
Click it and Unblock the Notifications
Sign in with Google