మెగా అభిమానులకు ఉపాసన అదిరిపోయే కౌంటర్
మెగా పవర్ స్టార్ రామ్ చరణ్ ప్రస్తుతం గేమ్ ఛేంజర్ సినిమాలో నటిస్తున్నారు. ఆచార్య వంటి డిజాస్టార్ తర్వాత రామ్ చరణ్ నటిస్తున్న సినిమా ఇది. స్టార్ దర్శకుడు శంకర్ దర్శకత్వం వహిస్తోన్న ఈ సినిమాను దిల్ రాజు నిర్మిస్తున్నారు. ఇక రామ్ చరణ్కు జోడిగా బాలీవుడ్ బ్యూటీ కియారా అద్వానీ నటిస్తోంది. వచ్చే డిసెంబర్లో సినిమాను విడుదల చేయనున్నట్టు నిర్మాత దిల్ రాజు ప్రకటించారు. ఈ సినిమాకు తమన్ సంగీతం అందిస్తున్నారు. ఇక ఇప్పటికే విడుదలైన ''జరగండి'' సాంగ్ పెద్ద హిట్గా నిలిచింది.
ఇదిలా ఉంటే తాజాగా సోషల్ మీడియా వేదికగా రామ్ చరణ్ భార్య ఉపాసన ఈ సినిమా గురించి చేసిన పోస్ట్ ఇప్పుడు హాట్ టాపిక్గా మారింది.ఈ సినిమాకు సంబంధించిన ఏదో ఒక అప్డేట్ ఇవ్వాలని మెగా అభిమానులు సోషల్ మీడియాలో పలు పోస్టులు పెడుతున్నారు. తాజాగా, రామ్ చరణ్ పెట్ రైమ్ ఇన్స్టాలో ఓ పోస్ట్ వచ్చింది. అయితే మెగా ఫ్యాన్స్ రైమ్ మీ డాడిని అడిగి గేమ్ ఛేంజర్ అప్డేట్ చెప్పు అని కామెంట్స్ చేశారు.ఆ మెసేజ్ చూసిన ఉపాసన అదిరిపోయే కౌంటర్ వేసింది. ''రైమ్ మీకు గేమ్ ఛేంజర్ అప్డేట్ ఎలా చెప్తుంది.
ఈ సినిమాకు నిర్మాత లేదా దర్శకురాలు కాదు కదా'' అని రిప్లై ఇచ్చింది. అలాగే ఓ స్మైలీ ఎమోజీ షేర్ చేసింది. ఇక అది చూసిన నెటిజన్లు అభిమానులకు కౌంటర్ ఇచ్చారనే చర్చించుకుంటున్నారు.భారతీయుడు -2 రిజల్ట్ చూసిన తర్వాత గేమ్ ఛేంజర్ ఇప్పట్లో విడుదల చేయవద్దని వేడుకుంటున్నారు. భారతీయుడు -2 రిజల్ట్ ప్రభావం ఇప్పట్లో పోయేలా కనిపించడం లేదు. దీనికి తోడు శంకర్ తన మార్క్ చూపించకపోవడంతో గేమ్ ఛేంజర్ సినిమా ఇప్పట్లో విడుదల చేయకపోవడమే మంచిదనే అభిప్రాయం మెగా అభిమానులు వ్యక్తం చేస్తున్నారు.
Click it and Unblock the Notifications
Sign in with Google