• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాములమ్మ స్థానంలో కెసిఆర్: కెటిఆర్‌పై ఒత్తిడి

By Srinivas
|
K Chendrasekhara Rao - Vijayashanthi
వచ్చే సాధారణ ఎన్నికలలో తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావు మెదక్ పార్లమెంటు స్థానం నుండి పోటీ చేసే అవకాశాలే ఎక్కువగా ఉన్నాయట. ఎన్నికలు ఎప్పుడు వచ్చినా మెదక్ నుండి పోటీకి కెసిఆర్ ఆసక్తి కనబరుస్తున్నారని సమాచారం. ఇందుకోసం ఆయన కసరత్తు చేస్తున్నారని అంటున్నారు. ప్రస్తుతం మెదక్ పార్లమెంటు స్థానం నుండి విజయశాంతి ప్రాతనిథ్యం వహిస్తున్నారు.

వచ్చే ఎన్నికల్లో మెదక్ నుండి కాని పక్షంలో నల్గొండ జిల్లాలోని భువనగిరి లోకసభ స్థానం నుండి పోటీ చేసేందుకు రాములమ్మ ఆసక్తి కబరుస్తున్నారట. కెసిఆర్ మెదక్ నుండి పోటీ చేసిన పక్షంలో... విజయశాంతి భువనగిరికి మారే అవకాశాలు ఉన్నాయని అంటున్నారు. సిరిసిల్ల శాసనసభ్యుడు, కెసిఆర్ తనయుడు కల్వకుంట్ల తారక రామారావు పైన కూడా ఎంపీగా పోటీ చేయాలని పార్టీ క్యాడర్ నుండి ఒత్తిడి పెరుగుతోందట.

కెసిఆర్ అంతకుముందు కరీంనగర్ నుండి ప్రాతినిథ్యం వహించారు. 2009 ఎన్నికల్లో ఆయన మహబూబ్ నగర్‌కు మారారు. వచ్చేసారి మెదక్‌కు వెళ్లే అవకాశాలు ఉన్నాయి. కెసిఆర్ తర్వాత ఇప్పుడు కరీంనగర్ నుండి ఆయన తనయుడు కెటిఆర్‌ను పోటీ చేయించాలని జిల్లా నేతలు భావిస్తున్నారు. అందుకోసం వారు కెసిఆర్, కెటిఆర్‌ల పైన ఒత్తిడి కూడా తెస్తున్నారట. కెటిఆర్ కరీంనగర్ ఎంపీగా పోటీ చేస్తే ఆ ప్రభావం పలు అసెంబ్లీ నియోజకవర్గాల పైన పడుతుందని వారు చెబుతున్నారట.

అయితే కెసిఆర్ మాత్రం అందుకు సుముఖంగా లేరని తెలుస్తోంది. ఇప్పటికే ఆయన పలువురు తెలంగాణ కాంగ్రెసు ఎంపీలను తెరాసలోకి ఆహ్వానిస్తున్నారు. అందులో కరీంనగర్ ఎంపీ పొన్నం ప్రభాకర్ కూడా ఉన్నారు. ఆయన వస్తే ఆయనకే టిక్కెట్. లేదంటే మాజీ ఎంపి బి వినోద్ కుమార్‌ను కరీంనగర్ స్థానం నుండి పోటీ చేయించాలని భావిస్తున్నారట. కానీ కెటిఆర్‌ పట్ల మాత్రం కెసిఆర్ సుముఖంగా లేరట. జనవరిలో కెసిఆర్ లోకసభ అభ్యర్థులను ప్రకటించే అవకాశాలున్నాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
KCR likely to enter Lok Sabha fray in Medak

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more