కమ్మవారికి ఒక్కటేనా?

గత మంత్రివర్గంలో కమ్మ వారికి రెండు పోస్టులు లభించగా ఈసారి ఒక్కటే దక్కింది. గల్లా అరుణకుమారి ఒక్కరే ఆ సామాజిక వర్గానికి చెందిన వారు. కృష్ణా, గుంటూరు, పశ్చిమగోదావరి జిల్లాలను కమ్మ వారెవరికీ మంత్రి పదవి దక్కకుండా వైఎస్ చేయడంపై ఆ సామాజిక వర్గంలో విమర్శలు వెల్లువెత్తుతున్నాయి. పురందీశ్వరికి ఎటూ కేంద్రమంత్రి పదవి వస్తోందని తెలిసే రాష్ట్రమంత్రి వర్గంలో ఒక్కరికే అవకాశం కల్పించారని వైఎస్ వర్గం మేధావులు విశ్లేషించి చెబుతున్నారు.

తెలుగుదేశం పార్టీ మళ్ళీ ఎప్పుడు అధికారంలోకి వస్తుందో తెలియని పరిస్ధితుల్లో కమ్మవారికి కాంగ్రెస్ లో అన్యాయం జరిగిపోయిందని గుంటూరు జిల్లాకు చెందిన ఆ సామాజిక వర్గం మేధావి ఒకరు అభిప్రాయపడ్డారు. గల్లా అరుణకుమారికి ప్రాధాన్యం గల రోడ్లు భవనాల శాఖను కేటాయించినా ఆ శాఖ మీద పెత్తనం వైఎస్ శిబిరానిదే అన్నది స్పష్టమవుతోంది. కాపులకు కూడా రెండు మంత్రి పదవులే దక్కడంపై ఆ సామాజిక వర్గంలో నిరసన వ్యక్తమవుతోంది.