గ్యాంగ్ రేప్: నిర్భయ కేసులో ఎప్పుడేం జరిగింది?

న్యూఢిల్లీ: గ్యాంగ్ రేప్ కేసులో నిందితులు వినయ్ శర్మ, ముఖేష్ సింగ్, అక్షయ్ కుమార్ సింగ్, పవన్ గుప్తాలను సాకేత్ కోర్టు దోషులుగా నిర్ధారిస్తూ తీర్పునిచ్చింది. న్యాయమూర్తి యోగేష్ కన్నా ఈ తీర్పును మంగళవారం వెలువరించారు. బుధవారం కోర్టు తన తీర్పులో శిక్షను ఖరారు చేసే అవకాశముంది.

ఢిల్లీలో సామూహిక అత్యాచారం జరిగినప్పటి నుంచి ఇప్పటి వరకు జరిగిన సంఘటనల క్రమం...

డిసెంబర్ 16, 2012: ఢిల్లీలో కదులుతున్న బస్సులో 23ఏళ్ల ఫిజియోథెరపిస్టుపై సామూహిక అత్యాచారం.
డిసెంబర్ 17: బస్సు డ్రైవర్ రామ్ సింగ్, మరో ఇద్దరు నిందితుల అరెస్ట్
డిసెంబర్ 18: సంఘటనపై వెల్లువెత్తిన నిరసనలు, సెంట్రల్ ఢిల్లీలో పోలీసులతో నిరసనకారుల ఘర్షణ, నాలుగో నిందితుని అరెస్ట్
డిసెంబర్ 19: ఢిల్లీ కోర్టులో ఇద్దరు నిందితుల హాజరు. తనను ఉరితీయాలంటూ వినయ్ అనే నిందితుడు వేడుకోలు
డిసెంబర్ 21: కేసులో నిందితుడైన మైనర్ బాలుడు పారిపోయే ప్రయత్నం, అరెస్ట్. బీహార్ లో ఆరో నిందితుని పట్టివేత.
డిసెంబర్ 22: సబ్ డివిజనల్ మేజిస్ట్రేట్ వద్ద వాంగ్మూలం ఇచ్చిన బాధితురాలు
డిసెంబర్ 23: ఫాస్ట్ ట్రాక్ కోర్టును ఏర్పాటు చేసిన ఢిల్లీ హైకోర్టు
డిసెంబర్ 24: అత్యాచార కేసులో నిందితులను వేగంగా విచారించి, శిక్ష పెంచేందుకు సూచనలిచ్చేందుకు కమిటీ ఏర్పాటు చేస్తున్నట్లు ప్రకటన.
డిసెంబర్ 27: చికిత్స కోసం సింగపూర్‌కు బాధితురాలి తరలింపు
డిసెంబర్ 29: సింగపూర్ ఆస్పత్రిలో బాధితురాలి మరణం.
డిసెంబర్ 30: బాధితురాలి మృతదేహం ఢిల్లీకి తరలింపు, అంత్యక్రియలు
జనవరి 3, 2013: ఐదుగురు నిందితులపై అత్యాచారం, కిడ్నాప్, సాక్ష్యాల విధ్వంసం, హత్యాయత్నం కేసులు నమోదు
జనవరి 28: ఆరుగురు నిందితుల్లో ఒకరు మైనరని తేల్చిన జువైనల్ జస్టిస్ బోర్డు
ఫిబ్రవరి 2: ఐదుగురు నిందితులపై సామూహిక అత్యాచారం, హత్య, ఇతర నేరారోపణల కింద ఫాస్ట్ ట్రాక్ కోర్టులో విచారణకు మార్గం సుగమం
ఫిబ్రవరి 3: క్రిమినల్ లా(సవరణ) ఆర్డినెన్స్ విడుదల. మార్చి 19న లోక్ సభలో, 21న రాజ్యసభలో బిల్లు ఆమోదం.
ఫిబ్రవరి 5: కోర్టులో విచారణ ప్రారంభం, నిందితుల వాంగ్మూలం రికార్డు
మార్చి 11: తీహార్ జైల్లోని తన సెల్‌లో ఉరి వేసుకున్న రామ్‌సింగ్
మార్చి 17: సాక్షిగా హాజరైన బాధితురాలి తల్లి, తన కుమార్తెకు న్యాయం చేయాలని వినతి.
జూన్ 14: కస్టడీలో 18ఏళ్లు నిండిన బాల నేరస్థుడు
జులై 11: బాల నేరస్థుడికి శిక్షపై తీర్పు వాయిదా వేసిన జువైనల్ జస్టిస్ బోర్డు
జులై 25: బాల నేరస్థుడికి శిక్షపై తీర్పును ఆగస్టు 5కు వాయిదా వేసిన జువైనల్ జస్టిస్ బోర్డు
ఆగస్టు 22: తీర్పు వెల్లడించేందుకు జువైనల్ బోర్డుకు సుప్రీం ఆమోదం
ఆగస్టు 31: బాల నేరస్థుడు మూడేళ్లపాటు స్పెషల్ హోంలో గడపాలంటూ ఆదేశించిన జువైనల్ జస్టిస్ బోర్డు
సెప్టెంబర్ 3: తీర్పు వాయిదా వేసిన ఢిల్లీ కోర్టు
సెప్టెంబర్ 10: నిందితులు ముఖేష్, పవన్ గుప్తా, వినయ్ శర్మ, అక్షయ్ కుమార్ సింగ్ అన్ని నేరాల్లోనూ దోషులుగా నిర్ధారణ, బుధవారం తీర్పు వెలువరించనున్న కోర్టు.

English summary

Nine months after the brutal gang rape of Nirbhaya shocked the country, a Delhi court today held all the four accused guilty of all the charges against them.