జన్మ నక్షత్రం మృగశిర, ఆరుద్ర ఉన్నవారి మే నెల జాతక ఫలం

తెలుగు సంప్రదాయం, వేద జ్యోతిష్య శాస్త్రం ప్రకారం జన్మ నక్షత్రానికి అత్యంత ప్రాధాన్యత ఉంది. ఒక వ్యక్తి పుట్టినప్పుడు చంద్రుడు ఏ నక్షత్రంలో ఉంటే, దాన్నే ఆ వ్యక్తి 'జన్మ నక్షత్రం' అని పిలుస్తారు. జాతక చక్రం మొత్తం ఈ జన్మ నక్షత్రం ఆధారంగానే నిర్మించబడుతుంది. జ్యోతిష్య శాస్త్రం ప్రకారం చంద్రుడు మనస్సుకు అధిపతి. కాబట్టి, పుట్టినప్పుడు చంద్రుడు ఉన్న నక్షత్రం ఆ వ్యక్తి ఆలోచనా తీరును, ప్రవర్తనను, స్వభావాన్ని నిర్ణయిస్తుంది. మనకు తెలుగులో 27 నక్షత్రాలున్నాయి.

ఇవి కాకుండా ఉత్తరాషాఢ, శ్రవణా నక్షత్రాల మధ్య సూక్ష్మమైన అభిజిత్ నక్షత్రం ఉంటుంది. శుభ ముహూర్తాల కోసం దీన్ని పరిగణనలోకి తీసుకుంటారు. నక్షత్రం మాత్రమే మొత్తం జాతకాన్ని నిర్ణయించదు. జాతక చక్రంలో ఉండే లగ్నం, ఇతర గ్రహాల స్థితి , అవి ఇచ్చే దృష్టి కూడా ఫలితాలను మారుస్తాయి. అందుకే నక్షత్రాన్ని జాతకానికి పునాదిగా తీసుకుంటారు. వ్యక్తిగత జాతకంలోని గ్రహ స్థితులు, దశలను బట్టి ఫలితాల్లో అప్పుడప్పుడు స్వల్ప మార్పులు చోటుచేసుకునే అవకాశం ఉంటుంది.

మృగశిర నక్షత్రం (వృషభ రాశి 1, 2 పాదాలు, మిథున రాశి 3, 4 పాదాలు)

మృగశిర నక్షత్ర జాతకులకు మే నెల మిశ్రమ ఫలితాలను ఇస్తుంది. ఉద్యోగస్తులకు పని ఒత్తిడి పెరిగే అవకాశం ఉంది. పై అధికారులతో మాట్లాడేటప్పుడు సంయమనం పాటించడం మంచిది. నెల ద్వితీయార్థంలో కొత్త బాధ్యతలు చేపడతారు. ఆదాయం బాగుంటుంది కానీ అనవసర ఖర్చులు పెరుగుతాయి. విలాసవంతమైన వస్తువుల మీద పెట్టుబడి పెట్టే ముందు ఒకటికి రెండుసార్లు ఆలోచించాలి.

కళ్ల సమస్యలు లేదా ఉదర సంబంధిత ఇబ్బందులు రావచ్చు. ఆహార నియమాలు పాటించడం ముఖ్యం. జీవిత భాగస్వామితో చిన్న మనస్పర్థలు తలెత్తుతాయి. చర్చల ద్వారా సమస్యలను పరిష్కరించుకోవాలి. మంగళవారం రోజు సుబ్రహ్మణ్య స్వామిని ఆరాధించడం, అభిషేకం చేయించడం వల్ల దోషాలు తొలగి శుభం కలుగుతుంది. ఏదైనా కీలక నిర్ణయం తీసుకునేముందు పెద్దల సలహా తీసుకోవడం చాలా అవసరం.

ఆరుద్ర నక్షత్రం (మిథున రాశి)

ఆరుద్ర నక్షత్రం వారికి ఈ నెల రాహువు ప్రభావం, ఇతర గ్రహాల స్థితి వల్ల కొంత సవాలుతో ఉంటుంది కానీ చివరలో విజయం వరిస్తుంది. మీ తెలివితేటలకు తగిన గుర్తింపు లభిస్తుంది. ఐటీ, కమ్యూనికేషన్ రంగాల్లో ఉన్నవారికి విదేశీ అవకాశాలు లేదా కొత్త ప్రాజెక్టులు వచ్చే అవకాశం ఉంది. అయితే, తోటి ద్యోగులతో గొడవలకు దూరంగా ఉండటం మేలు. విభేదాలు తలెత్తకుండా చూసుకోవాలి. పెండింగ్‌లో ఉన్న బకాయిలు వసూలవుతాయి. షేర్ మార్కెట్ లేదా రియల్ ఎస్టేట్‌లో పెట్టుబడులు పెట్టేవారు ఆచితూచి అడుగు వేయాలి.

లేదంటే నష్టపోయే ప్రమాదం ఉంది. మానసిక ఆందోళన ఎక్కువగా ఉండే అవకాశం ఉంది. క్రమం తప్పకుండా యోగా లేదా ధ్యానం చేయడం వల్ల ప్రశాంతత లభిస్తుంది. కుటుంబ సభ్యుల మద్దతు లభిస్తుంది. శుభకార్యాల్లో పాల్గొనే అవకాశం ఉంది. పిల్లల చదువుల విషయంలో శుభవార్తలు వింటారు. శనివారం రోజు శివాలయాన్ని సందర్శించి, 'ఓం నమః శివాయ' మంత్రాన్ని జపించడం వల్ల రాహు ప్రభావం తగ్గి పనులు సాఫీగా సాగుతాయి.

English summary

Horoscope: The month of May will be favorable for those whose birth stars are Mrigashira or Arudra. However, they should curb their extravagant expenses. It is essential to seek the advice of elders before making any key decisions