ప్రేమ జంటకు బహిరంగ ఉరి

ముజఫర్‌నగర్‌: ప్రేమపెళ్లితో నూరేళ్లు పండించుకుందామనుకున్న జంటకు ఈ లోకంలో చోటు లేదని కన్నవారే కసాయివారై ఆ జంటను పరలోకానికి సాగనంపారు. ఈ సంఘటన ఉత్తరప్రదేశ్‌లోని ముజఫర్‌నగర్‌ జిల్లా అలీపూర్‌ గ్రామంలో జరిగింది. బ్రాహ్మణ కులానికి చెందిన 20 ఏళ్లవిశాల్‌, జాట్‌ కులానికి చెందిన 18 ఏళ్ల సోను ప్రేమించుకున్నారు. అయితే వారి ప్రేమను కుటుంబ సభ్యులే కాకుండా ఊరి ప్రజలు కూడాఅంగీకరించలేదు.

దీంతో ఈ ప్రేమ జంటను ఒక మేడ మీదకు తీసికెళ్లి ఉరి తీశారు. ఈ ఉరి కార్యక్రమాన్ని అమ్మాయి తలిదండ్రులు, అబ్బాయి అన్నయ్య, వదిన తమ చేతులమీదుగా నిర్వహించారు. దీన్ని గ్రామస్థులందరూ సమర్థించారు. హత్యానేరంపై అమ్మాయి తలిదండ్రులను, అబ్బాయి అన్నవదినలనుఅరెస్టు చేసినట్లు జిల్లా పోలీసు ఛీఫ్‌ బి.ఎస్‌. మోరియా చెప్పారు. ఊరంతా ఉద్రిక్తంగా వుండడంతో పోలీసులను మోహరించారు.