ఐఎస్‌ఐ కాశ్మీర్‌ విభాగం మూసివేత?

న్యూయార్క్‌ః కాశ్మీర్‌లో ఉగ్రవాద కార్యకలాపాలు పర్యవేక్షించే విభాగాన్ని మూసివేయాల్సిందిగా ఐఎస్‌ఐకి పాకిస్తాన్‌ అధ్యక్షుడు జనరల్‌ ముషారఫ్‌ ఆదేశాలు జారీ చేసినట్టు తెలిసింది. ఈ విషయం న్యూయార్క్‌ టైమ్స్‌ పత్రిక వెల్లడించింది.

ఇకపై కాశ్మీర్‌లో స్వాతంత్ర్య పోరాటం జరుపుతున్న కాశ్మీరీలకే పాకిస్తాన్‌ సాయం అందజేయాలని సైనిక కార్యకలాపాలకు కాశ్మీరీలపైనే ఆధారపడాలని పాకిస్తాన్‌ నిర్ణయించినట్టుగా న్యూయార్క్‌ టైమ్స్‌ ఒక సంచలన కథనాన్ని ప్రకటించింది. అరబ్బులు, అఎn్గాన్‌లు, పాకిస్తాన్‌లు పెద్దసంఖ్యలో వున్న జైష్‌, లష్కర్‌ వంటి సంస్థలకు కాకుండా కాశ్మీరీలు ఎక్కువ సంఖ్యలో వున్న హిజ్‌బుల్‌ వంటి సంస్థలకే పాకిస్తాన్‌ మద్దతు ఇకపై కొనసాగుతుందని పాకిస్తాన్‌ అధికారులు ఉటంకిస్తూ న్యూయార్క్‌ టైమ్స్‌ పేర్కొంది. కాశ్మీర్‌కు చెందని అన్ని గ్రూప్‌లకూ సాయం నిలిపివేయాలని పాకిస్తాన్‌ నిర్ణయించినట్టుగా న్యూయార్క్‌ టైమ్స్‌ వెల్లడించింది. ఇదిలా వుండగా న్యూయార్క్‌ టైమ్స్‌ కథనంపై పాకిస్తాన్‌ వ్యాఖ్యానించడానికి నిరాకరించింది.