ఖాకీలకు బలైన వ్యాపారికి బాబు వరాలు

హైదరాబాద్‌ః మహబూబ్‌ నగర్‌ జిల్లా ఆమనగల్లు పోలీసులు మైసిగండి జాతరలో పోలీసులచేతిలో మరణించిన కిరాణావ్యాపారి రమావత్‌ బీమా కుటుంబానికి ముఖ్యమంత్రి వరాలు ప్రకటించారు. బీమా భార్యకు ప్రభుత్వ ఉద్యోగం ఇవ్వాలని, పిల్లలపేరిట చెరో లక్ష రూపాలయలు డిపాజిట్‌ చేయనున్నట్లు చంద్రబాబు బుధవారం ప్రకటించారు.

ఏడాది, మూడేళ్ళున్న ఆ పిల్లల చదువుకు అయ్యే ఖర్చు కూడా ప్రభుత్వం భరిస్తుందని చంద్రబాబు చెప్పారు.ఈ వ్యవహారంపై పూర్తి సమాచారం సేకరించేందుకు హోంమంత్రి దేవేందర్‌ ను మైసిగండి వెళ్ళాల్సిందిగా చంద్రబాబుకోరారు. ఈ వ్యవహారంలో దోషుల్ని కఠినంగా శిక్షిస్తామని దేవేందర్‌ గౌడ్‌ మైసిగండి వెళుతూ చెప్పారు.