ఒఎన్‌జిసి ఉద్యోగుల కాల్చివేత

గౌహతిః అస్సాంలో ఒఎన్‌జిసికి చెందిన ఎనిమిది మంది ఉద్యోగులను తీవ్రవాదులు కాల్చిచంపారు. దిష్‌పూర్‌కు 300 కిలోమీటర్ల దూరంలో వున్న డ్రిల్లింగ్‌ సైట్‌నుంచి ఒక సైంటిస్ట్‌తో సహా ఎనిమిది మంది ఉద్యోగులు తిరిగి వస్తుండగా మాటువేసి వున్న తీవ్రవాదులు ఆటోమేటిక్‌ ఆయుధాలతో మెరుపుదాడి జరిపి కాల్చిచంపినట్టుగా పోలీసులు చెప్పారు.

తిరుగుబాటు గిరిజన గ్రూప్‌లకు చెందిన తీవ్రవాదులు ఈ దాడి జరిపినట్టుగా పోలీసులు చెప్పారు. తమ ప్రాంతానికి మరింతస్వయంప్రతిపత్తి కావాలని డిమాండ్‌ చేస్తున్న దిమా హోలాంగ్‌ డాగా గిరిజనుల తెగకు చెందిన తీవ్రవాదులు ఈ దాడి చేసినట్టుగా పోలీసులు చెబుతున్నారు. దాడిలో ఆరుగురు అక్కడికక్కడే మరణించగా మరో ఇద్దరు ఆస్పత్రిలో మరణించారు.