బాబు హయాంలో అద్భుతప్రగతి

హైదరబాద్‌ః తెలుగుదేశం ప్రభుత్వ హయాంలో ఆంధ్రప్రదేశ్‌ ఎంతగానో అభివృద్ధి సాధించిందని రాష్ట్ర ఆర్థిక శాఖమంత్రి యనమల రామకృష్ణుడు స్పష్టం చేశారు. చంద్రబాబు ఏడేళ్ళ పాలన రాష్ట్రానికి అంధకారాన్నే మిగిల్చిందని, రాష్ట్రం అప్పుల మయంగా మారిందని కాంగ్రెస్‌ నేత వై.ఎస్‌. రాజశేఖరరెడ్డి చేసిన ఆరోపణలను యనమల త్రోసిపుచ్చారు.

గత ఏడేళ్ళలో రాష్ట్ర స్థూల అభివృద్ధి 5.8 గా నమోదైందని, కాంగ్రెస్‌ పరిపాలించిన రెండున్నర దశాబ్దాల కాలంలో స్థూల అభివృద్ధి నాలుగు శాతానికిమించలేదని ఆయన లెక్కలతో సహా వెల్లడించారు. ఈవిషయాన్ని కేంద్ర ప్రణాళికా సంఘమే అంగీకరించిందని యనమల తెలిపారు. గత ఐదేళ్ళలోతెలుగుదేశం ప్రభుత్వం సాధించిన ప్రగతి మరే రాష్టప్రభుత్వం కూడా సాధించలేదని యనమల స్పష్టం చేశారు. ఈవిలేకర్ల సమావేశంలో రాష్ట్ర సమాచార శాఖమంత్రి చంద్రమోహన్‌ రెడ్డి తదితరులు పాల్గొన్నారు.