నక్సల్స్‌ ఆక్రమణలు చట్టవ్యతిరేకం కాదు: ఎపిసియల్‌సి

హైదరాబాద్‌: సిపిఐ (మావోయిస్టు) నక్సలైట్ల భూ ఆక్రమణలు చట్ట వ్యతిరేకం కాదని ఆంధ్రప్రదేశ్‌ పౌర హక్కుల సంఘం ( ఎపిసియల్‌సి) నాయకుడు ప్రొఫెసర్‌ శేషయ్య అన్నారు. నక్సలైట్లకు, ప్రభుత్వానికి మధ్య చర్చల్లో ఆయన మధ్యవర్తిగా వ్యవహరిస్తున్నారు.

నక్సల్స్‌ చేపట్టిన భూపోరాటం సమస్య తీవ్రతను తెలియజేస్తోందని ఆయన మంగళవారం విలేకరులతో అన్నారు. ఈ ఆక్రమణల వల్ల చట్టబద్దమైన, చట్టవ్యతిరేకమైన, మిగులు, ఇతర రకా భూముల వివరాలు బయటపడతాయని ఆయన అన్నారు. ప్రభుత్వానికి, నక్సలైట్లకు మధ్య ఘర్షణపూరిత వాతావరణం నెలకొన్నదనే మాటల్లో అర్థం లేదని ఆయన అన్నారు. రెండో విడత చర్చలు జరుగుతాయని ఆయన స్పష్టం చేశారు.