బెంగుళూర్‌లో అందరివాడు పైరసీ సిడీలు

హైదరాబాద్‌: చిరంజీవి హీరోగా నటించిన అందరివాడు సినిమా పైరసీ సిడీలను నిర్మాతలు పట్టుకున్నారు. ఈ విషయాన్ని చిత్ర దర్శకుడు శ్రీను వైట్ల శుక్రవారం మీడియా ప్రతినిధులకు తెలియజేశారు. పైరసీ సిడీలను చూపించారు. పైరసీ సీడిలను అరికట్టడానికి రాష్ట్ర ప్రభుత్వం చట్టం తెచ్చినా ఈ బెడద తప్పడం లేదని శ్రీను వైట్ల అన్నారు. అందరివాడు సినిమా పైరసీ సీడిలను బెంగుళూర్‌లో పట్టుకున్నట్లు ఆయన తెలిపారు. హైదరాబాద్‌కు తరలించే సమయంలో అవి తమ చేతికి చిక్కినట్లు ఆయన చెప్పారు. పైరసీ సిడీలు బెంగుళూర్‌లో తయారవుతున్నట్లు ఆయన చెప్పారు.