పలాస చైర్ పర్సనుగా లక్ష్మి ఎన్నిక

శ్రీకాకుళం: శ్రీకాకుళం జిల్లా పలాస, కాశీబుగ్గ మున్సిపల్ చైర్ పర్సనుగా కోట్నీ లక్ష్మి ఎన్నికయ్యారు. ఈ ఎన్నిక సోమవారంనాడు జరిగింది. మున్సిపాలిటీలో కాంగ్రెస్ 14 సీట్లు గెలుచుకుని మెజారిటీ సాధించింది. అయితే చైర్ పర్సన్ పదవి కోసం భవానీ, లక్ష్మిల మధ్య తీవ్ర పోటీ నెలకొంది. ఈ స్థితిలో పార్టీ నాయకత్వం సీల్డ్ కవరులో లక్ష్మి పేరును రాసి పంపింది.

ఇద్దరు కాంగ్రెస్ కౌన్సిలర్లు లక్ష్మికి ఓటు వేయలేదు. శాసనసభ్యుడు, స్వతంత్ర కౌన్సిలర్లు ఓట్లతో లక్ష్మి గట్టెక్కింది. వైస్ చైర్ పర్సనుగా కాంగ్రెసుకు చెందిన సుధారాణి పాత్రో ఎన్నికయ్యారు.