తెలంగాణపై మారం: సిపియం

హైదరాబాద్: తెలంగాణ విషయంలో తమ వైఖరిలో మార్పు ఉండదని, తాము సమైకాంధ్రకే కట్టుబడి ఉన్నామని సిపియం రాష్ట్ర కార్యదర్శి బి.వి. రాఘవులు చెప్పారు. రాష్ట్ర మహాసభలు ప్రారంభం కానున్న నేపధ్యంలో ఆయన శుక్రవారం మీడియా ప్రతినిధుల సమావేశంలో మాట్లాడారు. అధికార కాంగ్రెస్ పార్టీ ర్యాలీలు, ధర్నాలు నిర్వహించడమేమిటని ఆయన ప్రశ్నించారు.

మహాసభల్లో రాష్ట్ర తాజా రాజకీయ పరిస్థితుల గురించి చర్చిస్తామని, తెలంగాణ అంశం కూడా చర్చకు వస్తుందని ఆయన అన్నారు. సిద్ధాంత ప్రాతిపదికపై నడుచుకుంటామని ఆయన చెప్పారు. కొత్త పార్టీల ఊహాగానాలపై కూడా చర్చిస్తామని ఆయన చెప్పారు. కుల,మత, ప్రాంతాలకు అతీతంగా తమ విధానాలుంటాయని ఆయన చెప్పారు. ఈ రెండు రోజుల మహాసభలకు సిపియం పొలిట్ బ్యూరో సభ్యుడు సీతారాం ఏచూరి హాజరవుతున్నారు.