చిరు పిలుపు కోసం నిరీక్షణ: నాగబాబు

గుంటూరు: అన్నయ్య చిరంజీవి పిలుపు కోసం ఎదురు చూస్తున్నామని మెగాస్టార్ చిరంజీవి సోదరుడు, సినీ నటుడు నాగబాబు అన్నారు. చిరంజీవి రాజకీయ ప్రవేశంపై ఆయన ఆ విధంగా అన్నారు. శుక్రవారంనాడు ఆయన చిరంజీవి అభిమానులతో మాట్లాడారు. గుంటూరు సమీపంలోని పుత్తూరులో ఈ మంతనాలు జరిగాయి.

చిరంజీవి పార్టీ ప్రకటన ఎప్పుడు చేస్తారనేది చెప్పలేనని ఆయన అన్నారు. సేవా కార్యక్రమాలను ముమ్మరం చేస్తే మనకే మంచిదని ఆయన అభిమానులతో అన్నారు. చిరంజీవి అభిమానులతో ఆయన జిల్లాలవారీగా మంతనాలు జరుపుతున్న సూచనలు కన్పిస్తున్నాయి. ఇటీవల ఆయన కృష్ణా జిల్లాలో కూడా ఇటువంటి చర్చలే జరిపారు.