సంజయ్, మాన్యతల పెళ్లి

ముంబయి: బాలీవుడ్ నటుడు సంజయ్ దత్ తన ప్రియురాలు మాన్యత మెడలో మూడు ముళ్లు వేశాడు. వీరిద్దరి వివాహం సోమవారంనాడు సంప్రదాయ పద్ధతిలో జరిగింది. వీరిద్దరి వివాహం ఈ నెల 7వ తేదీన గోవాలో జరిగినట్లు ప్రచారమైంది. అయితే సంప్రదాయ పద్ధతిలో వీరిద్దరు సంజయ్ మిత్రుడి ఇంట్లో పెళ్లి చేసుకున్నారు. వీరిద్దరి మధ్య గత రెండేళ్లుగా ప్రేమాయణం నడుస్తోంది.

సంజయ్ దత్ ఊరేగింపుగా తన మిత్రుడి ఇంటికి వచ్చాడు. పెళ్లి జరిగిన తర్వాత మాట్లాడుతానని మీడియా ప్రతినిధులకు చెబుతూ ఆయన లోనికెళ్లిపోయాడు. పెళ్లి తర్వాత భార్యతో కలిసి వచ్చి ఫొటోలకు ఫోజులిచ్చారు. అయితే ఈ వివాహానికి సంజయ్ సోదరిలు ప్రియాదత్, నమ్రతలు రాలేదు. తమకు సమాచారం లేదని ప్రియాదత్ చెప్పారు.