వైయస్, బాబు ఎడమొహం పెడమొహం

హైదరాబాద్: రాష్ట్ర శాసనసభ బడ్జెట్ సమావేశాల సందర్భంగా స్పీకర్ కె.ఆర్. సురేష్ రెడ్డి సోమవారం ఉదయం అల్పాహార విందు ఇచ్చారు. ఈ అల్పాహార విందుకు ముఖ్యమంత్రి డాక్టర్ వైయస్ రాజశేఖర రెడ్డి, ప్రతిపక్ష నాయకుడు నారా చంద్రబాబునాయుడు హాజరయ్యారు. వీరిద్దరు ఎడ మొహం పెడ మొహంగానే వ్యవహరించారు. తొలుత ఇరువురు కరచాలనం చేసుకుని మీడియా ఫొటోగ్రాఫర్లకు ఫొటోలు తీసుకునే అవకాశం ఇచ్చారు. అనంతరం వారు ఎవరి దారిన వారే వ్యవహరించారు.

ఈ అల్పాహార విందుకు మంత్రులు, వివిధ పార్టీల శాసనసభ్యులు, వివిధ రాజకీయ పక్షాల నాయకులు హాజరయ్యారు. శాసనమండలి చైర్మన్ ఎ. చక్రపాణి కూడా దీనికి హాజరయ్యారు. తెలంగాణ రాష్ట్ర సమితి (తెరాస) శాసనసభ్యులు ఈ అల్పాహార విందును బహిష్కరించారు. తెలంగాణపై కాంగ్రెస్ వైఖరికి నిరసనగా బహిష్కరణకు పూనుకున్నారు.