సోనియాకు జగ్గంపేటలో సన్మానం

హైదరాబాద్: అఖిల భారత కాంగ్రెస్ అధ్యక్షురాలు సోనియాగాంధీకి, మన రాష్ట్రానికి మధ్య ఉన్న ప్రగాఢ బంధం మరింత బలపడనుంది. సోనియా గాంధీ ఈ నెల 14 వ తేదీన రాష్ట్ర పర్య్టటనకు రానున్నారు. ఆమె వస్తున్నది ప్రధానంగా రాజీవ్ గాంధీ అంతర్జాతీయ విమానాశ్రయం (శంషాబాద్) ప్రారంభ ఉత్సవానికి.

ఆ రోజుకు మరో ప్రత్యేకత ఉంది. సోనియా గాంధీ కాంగ్రెస్ అధ్యక్షురాలిగా బాధ్యతలు చేపట్టి ఆరోజుకు పదేళ్ళు పూర్తవుతాయి. ఈ సందర్భంగా సోనియా గాంధీకి భారీ ఎత్తున పౌర సన్మానం చేయడానికి ముఖ్యమంత్రి రాజశేఖరరెడ్డీ సన్నాహాలు చేస్తున్నారు. సోనియాకు పౌర సన్మానం తూర్పు గోదావరి జిల్లా జగ్గం పేటలో జరుగనుంది.