అమెరికా వైట్ హౌజ్ లో పురంధరేశ్వరి

హైదరాబాద్: తెలుగుతేజం పురంధరేశ్వరి అమెరికా అధ్యక్షుడు జార్జి బుష్ అధికారిక నివాసం శ్వేతసౌధంలో జరిగిన ఒక సదస్సులో పాల్గొన్నారు. కేంద్ర మానవ వనరుల అభివృద్ధి శాఖ మంత్రి అయిన దగ్గుబాటి పురంధరేశ్వరి ప్రపంచ అక్షరాస్యత ప్రగతిపై జరిగిన సదస్సులో మాట్లాడారు. ప్రపంచంలో అక్షరాస్యత స్థితిగతులపై ఈ సదస్సులో చర్చించారు.

ఈ సదస్సుకు ఐక్య ప్రగతిశీల కూటమి (యుపిఎ) చైర్ పర్సన్ సోనియా గాంధీ హాజరు కావాల్సి ఉంది. అయితే ఆమె వెళ్లలేకపోవడంతో పురంధరేశ్వరికి ఆ అవకాశం లభించింది. ఈ సదస్సులో అమెరికా ప్రథమ పౌరురాలు లారా బుష్ కూడా పాల్గొన్నారు. పురంధరేశ్వరి చక్కటి ఆంగ్లంలో అక్షరాస్యతపై తన ప్రసంగాన్ని వినిపించారు.