చిరు సెక్యూరిటీ గార్డుల ధర్నా

విశాఖపట్నం: ప్రజారాజ్యం అధినేత చిరంజీవికి సెక్యూరిటీ గార్డులుగా పనిచేసిన యువకులు తమకు డబ్బులు అందలేదంటూ ధర్నాకు దిగారు. చిరంజీవి ప్రజా అంకిత యాత్రలో చిరంజీవికి 600 మంది ప్రైవేట్ సెక్యూరిటీ గార్డులను నియమించారు. అందులో భాగంగా చిరంజీవికి సెక్యూరిటీ గార్డులుగా పనిచేసిన తమకు డబ్బులు ముట్టలేదని ఆరోపిస్తూ గాజువాకలోని ప్రైవేట్ సెక్యూరిటీ కార్యాలయం ముందు ధర్నాకు దిగారు.

తమకు పూర్తి సొమ్ము చెల్లించే వరకు కదలబోమని వారు హెచ్చరిస్తున్నారు. వారికి తాము భోజనం ఏర్పాట్లు చేశామని, కొంత సొమ్ము ఇచ్చామని కాంట్రాక్టర్లు చెబుతున్నారు. అయితే పూర్తి సొమ్ము చెల్లించాలని వారు డిమాండ్ చేస్తున్నట్లు వారు తెలిపారు.