పుట్టపర్తిలో విశ్వశాంతి మహాయజ్ఞం

అనంతపురం: సత్యసాయి సహస్ర పూర్ణచంద్ర దర్శన యజ్ఞం శనివారం అనంతపురం జిల్లా పుట్టపర్తిలోని హిల్‌వ్యూ స్టేడియంలో ప్రారంభం కానుంది. ఇందుకోసం వేదికతోపాటు అన్ని ఏర్పాట్లూ పూర్తయ్యాయి. దూరంగా ఉన్నవారికి ఇబ్బంది కలగకుండా ప్రత్యక్ష ప్రసారానికి అంతా సిద్ధంచేశారు.

ముఖ్య అతిథులకోసం ప్రత్యేక గ్యాలరీలు, భక్తులకు కార్పెట్లు ఏర్పాటు చేశారు. టీటీడీ చైర్మన్‌ ఆదికేశవులు, ట్రస్టు కార్యదర్శి చక్రవర్తి, సభ్యులు బెంగళూరు శ్రీనివాసులు ఏర్పాట్లను పర్యవేక్షిస్తున్నారు. మహిళలకు, పురుషులకు వేర్వేరుగా గేట్లను అమర్చారు. వాహనాల రాకపోకలు సజావుగా సాగేలా చర్యలు తీసుకున్నారు.