కసబ్ ని గుర్తుపట్టేందుకు 40 మంది

ముంబై: ముంబయి బాంబు పేలుళ్ళు కేసులో పట్టుబడ్డ తీవ్రవాది అజ్మల్‌ అమీర్‌ కసబ్‌ను ప్రత్యక్షంగా చూసినవారి వాంగ్మూలాన్ని తీసుకోవడానికి ఐడెంటిఫికేషన్‌ పెరేడ్‌ను ఏర్పాటు చేసారు. అందుకోసమై కసబ్‌ను అర్థర్‌ రోడ్‌ జైలుకు మార్చినట్లు ముంబై పోలీసులు తెలిపారు. ఇక ఈ పెరేడ్‌లో తీవ్రవాదులు పారిపోయిన స్కోడా కారు యజమాని ఎస్‌ఆర్‌ అర్సా, ముగ్గురు పోలీసు ఉన్నతాధికారులు ప్రయాణించిన జీపును నడిపిన కానిస్టేబుల్‌ అరుణ్‌ జాదవ్‌ సహా 40 మంది ప్రత్యక్ష సాక్షుల వాంగ్మూలాన్ని నమోదు చేయనున్నట్లు పోలీసులు తెలిపారు.