• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వ్యక్తిగతం కాదు, పార్టీది: వైయస్

By Staff
|

YS Rajasekhar Reddy
హైదరాబాద్: తెలంగాణపై శాసనసభలో తాను చేసిన ప్రకటన వ్యక్తిగతం కాదని, అది మొత్తం పార్టీ అభిప్రాయని ముఖ్యమంత్రి వై.ఎస్‌.రాజశేఖర్‌రెడ్డి స్పష్టంచేశారు. ప్రత్యేక రాష్ట్రం ఏర్పాటులో ఎదురయ్యే సమస్యలు, సవాళ్లను పరిష్కరించేందుకు ఏకాభిప్రాయ సాధనకే రెండు సభల సభ్యులతో కమిటీ ఏర్పాటుకు సిద్ధపడినట్లు తెలిపారు. తాను ప్రతిపక్ష నాయకుడిగా ఉన్నపుడు తెలంగాణకు చెందిన శాసనసభ్యులు ప్రత్యేక రాష్ట్రంపై సోనియాగాంధీకి వినతిపత్రం ఇచ్చిన వ్యవహారంలో తన ప్రమేయం ఎంతమాత్రం లేదని ఆయన చెప్పారు. కమిటీ విశ్వసనీయత గురించి ప్రశ్నించడం సరికాదని అన్నారు.

ప్రస్తుతం ఉన్న శాసనసభ్యుల్లో కొందరు 13వ సభలో కూడా ఉండే అవకాశం ఉందని, కౌన్సిల్‌ సభ్యులు ఎలాగూ కొనసాగుతారని పేర్కొన్నారు. తెలంగాణ ఏర్పాటు జాప్యానికి తెరాస బాధ్యత వహించాలని ముఖ్యమంత్రి అన్నారు. తెలంగాణపై కాంగ్రెస్‌ వైఖరి మొదటి నుంచి స్పష్టంగానే ఉందన్నారు. తనకు తెలిసినంతవరకూ సాక్షిలో 26 శాతానికి మించి విదేశీ పెట్టుబడులు లేవని చెప్పారు. సత్యం పెట్టుబడిదారులపై వచ్చిన ఫిర్యాదుపై కేసు నమోదు చేసి విచారణ చేశామని చెప్పారు. హెరిటేజ్‌ అక్రమాలపై కూడా ఫిర్యాదు చేస్తే తగిన రీతిలో స్పందిస్తామన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X