తెరాసలోకి పిలువలేదు: దేవేందర్

హైదరాబాద్: తెలంగాణ రాష్ట్ర సమితి (తెరాస) శాసనసభా పక్ష నేత ఈటెల రాజేందర్ తనను తమ పార్టీలోకి రావాలని ఆహ్వానించలేదని ప్రజారాజ్యం పార్టీ నేత టి.దేవేందర్ గౌడ్ స్ఫష్టం చేశారు. తనను తెరాసలోకి ఆహ్వానించడానికే ఈటెల రాజేందర్ తమ ఇంటికి వచ్చినట్లు జరిగిన ప్రచారంలో లేదని ఆయన బుధవారం మీడియా ప్రతినిధులతో అన్నారు. ఈటెల రాజేందర్ తనను మర్యాదపూర్వకంగానే కలిశారని ఆయన చెప్పారు.

తెరాసలోకి ఆహ్వానించడానికి ఈటెల రాజేందర్ మంగళవారం దేవేందర్ గౌడ్ ఇంటికి వెళ్లినట్లు వార్తలు వచ్చాయి. ఈ సందర్భంగా దేవేందర్ గౌడ్ రాజేందర్ పై తీవ్రంగా మండిపడినట్లు కూడా ప్రచారం జరిగింది. తనను తెరాస నేత కెసిఆర్ వాడుకున్నారని, తన రాజకీయ జీవితాన్ని నాశనం చేశారని దేవేందర్ ఆగ్రహం వ్యక్తం చేసినట్లు కూడా వార్తలు వచ్చాయి. ఈ నేపథ్యంలో దేవేందర్ గౌడ్ వివరణ ఇచ్చారు.