మహానాడు వేదికపై బాలయ్య, ఎన్టీఆర్

హైదరాబాద్: తెలుగుదేశం పార్టీ మహానాడు వేదికపై సినీ హీరోలు బాలృష్ణ, జూనియర్ ఎన్టీఆర్ ఆసీనులయ్యారు. మహానాడు సందర్భంగా తెలుగుదేశం పార్టీ స్వర్గీయ ఎన్టీ రామారావు జయంతి కార్యక్రమాన్ని నిర్వహించింది. ఈ కార్యక్రమంలో పలువురు సినీ ప్రముఖులు పాల్గొన్నారు. ఎన్టీఆర్ జయంతి సందర్భంగా ప్రముఖ సినీ నిర్మాత డివిఎస్ రాజు కేక్ కట్ చేశారు. ఎన్టీఆర్ అవార్డును ప్రముఖ సినీ గేయ రచయిత సి.ఎన్టీఆర్ మెమోరియల్ ట్రస్టు తరఫున నారాయణ రెడ్డికి అందజేశారు.

నారాయణ రెడ్డికి తెలుగుదేశం పార్టీ అధ్యక్షుడు నారా చంద్రబాబు నాయుడు అవార్డును బహూకరించారు. డివిఎస్ రాజుకు కూడా ఎన్టీఆర్ పురస్కారాన్ని అందజేశారు. ఈ కార్యక్రమాన్ని మురళీ మోహన్ నిర్వహించారు. ఈ కార్యక్రమంలో ప్రముఖ నటుడు గుమ్మడి వెంకటేశ్వర రావుకు ఎన్టీఆర్ పురస్కారాన్ని అందజేశారు. శ్రీమతి గీతాంజలికి కూడా ఆ అవార్డును అందజేశారు. అంతకు ముందు హరికృష్ణతో కలిసి జూనియర్ ఎన్టీఆర్ స్వర్గీయ రామారావుకు నివాళి అర్పించగా, చంద్రబాబుతో కలిసి బాలకృష్ణ నివాళులు అర్పించారు.