షైనీ మద్యం సేవించలేదు: నివేదిక

ముంబయి: సంఘటన జరిగిన సమయంలో బాలీవుడ్ నటుడు షైనీ అహుజా మద్యం గానీ మత్తు పదార్థాలు గానీ సేవించలేదని వైద్య నివేదిక వెల్లడించినట్లు పోలీసులు చెప్పారు. ఇంటి పని మనిషిపై అత్యాచారం జరిపినట్లు షైనీ అహుజా ఆరోపణలు ఎదుర్కుంటున్న విషయం తెలిసిందే. షైనీ మద్యం గానీ మత్తు పదార్థాలు గానీ సేవించి లేడని రక్తం, ముత్ర పరీక్షల్లో తేలింది.

పూర్తి తెలివిడి ఉన్న సమయంలోనే షైనీ అత్యాచారం చేశాడని, డిఎన్ ఎ పరీక్షల ఫలితాల కోసం నిరీక్షిస్తున్నామని అసిస్టెంట్ పోలీసు కమిషనర్ సూర్యవంశి చెప్పారు. గోళ్లను కూడా పరీక్షల నిమిత్తం పంపారు. సంఘటన జరిగిన సమయంలో పెనుగులాట జరిగిందా అనే విషయాన్ని ఈ పరీక్షల వల్ల తేలుతుంది. అహుజా ఈ నెల 2 వరకు జ్యుడిష్యల్ కస్టడీ లో ఉన్నాడు.