వైఎస్ ఢిల్లీ పర్యటన మొదలు

హైదరాబాద్‌: ముఖ్యమంత్రి వైఎస్‌ రాజశేఖర్‌ రెడ్డి ఈ ఉదయం ఢిల్లీకి బయలుదేరి వెళ్లారు. రెండు రోజులపాటు సాగే ఈ పర్యటనలో యూపీఏ ఛైర్‌పర్సన్‌ సోనియా గాంధీతోపాటు, ఆర్థికశాఖ మంత్రి ప్రణబ్‌ ముఖర్జీ, భారీ పరిశ్రమల శాఖ మంత్రి విలాస్‌ రావు దేశ్‌ ముఖ్‌, విదుత్‌ శాఖమంత్రి సుశీల్‌కుమార్‌షిండే, వ్యవసాయ శాఖమంత్రి శరద్‌పవార్‌లను కలవనున్నారు. శ్రీకాళహస్తిలో రూ.6 వేల కోట్ల వ్యయంతో నిర్మించనున్న విద్యుత్‌ పరికరాల సంస్థ ఏర్పాటుకు ఎలాంటి అడ్డంకులు రాకుండా చూడాలని మంత్రులను కోరనున్నారు.

ప్రభుత్వం ప్రతిష్ఠాత్మకంగా చేపట్టిన జలయజ్ఞంలో ఏడు ప్రాజెక్టుల్ని జాతీయ ప్రాజెక్టులుగా గుర్తించాలని సోనియాకు విన్నవించనున్నారు. ఇటీవల ప్రవేశపెట్టిన కేంద్ర బడ్జెట్‌లో రాష్ట్రానికి వీలైనన్ని ఎక్కువ నిధులు వచ్చేలా ప్రణబ్‌ను కోరడంతోపాటు, కరీఫ్‌ సీజన్‌ ప్రారంభమైనందున వీలైనన్ని ఎక్కువ గోధాములు రాష్ట్రానికి కేటాయించేలా వ్యవసాయ శాఖ మంత్రి శరద్‌పవార్‌పై ఒత్తిడి తేనున్నట్లు సమాచారం.