పెళ్లిళ్ల స్పెషల్ కమ్మని రస్క్ హల్వా.. ఇలా ట్రై చేయండి!
స్వీట్ చాలామంది ఇష్టంగా తింటారు. అయితే స్పెషల్ స్వీట్ అది కూడా ఇంట్లో చేసుకుని తింటే చాలా బాగుంటుంది. పెళ్లి విందులు, పండుగలు, ప్రత్యేక అతిథులకు సరిపోయే స్వీట్ అయిన రస్క్ హల్వా చాలా సులభంగా, రుచికరంగా తయారు చేసుకోవచ్చు. ఇది సాంప్రదాయ హల్వా కంటే క్రిస్పీగా, రస్క్ వాసనతో మంచి రుచికరంగా ఉంటుంది.
కావాల్సిన పదార్థాలు:
రస్క్ (స్వీట్ రస్క్ లేదా ప్లెయిన్) - 200 గ్రాములు (సుమారు 12-15 పీసులు)
పాలు - 1 లీటర్
పంచదార - 150-200 గ్రాములు
నెయ్యి - 4-5 టేబుల్ స్పూన్లు
బాదం, పిస్తా, కాజు - చేతిలో పడేంత
ఏలకులు పొడి - 1/2 టీస్పూన్
కుంకుమ పూవు - కొద్దిగా (ఆప్షనల్, రంగు కోసం)
తయారీ విధానం:
రస్క్ను చిన్న ముక్కలుగా విరగ్గొట్టుకోండి లేదా మిక్సీలో కొద్దిగా పొడి చేసుకోండి . పూర్తి పొడి కాకుండా కొంచెం ముక్కలుగా ఉంచండి. ఒక గిన్నెలో పాలు వేడి చేసి, పంచదార వేసి కరిగించండి. ఏలకులు పొడి, సఫ్రాన్ జోడించండి. పాన్లో నెయ్యి వేడి చేసి, రస్క్ ముక్కలు వేసి బంగారు రంగు వచ్చేవరకు బాగా వేయించండి.
హల్వా తయారు కావాలంటే ఇలా చెయ్యాలి
వేడి పాలు మిశ్రమాన్ని నెమ్మదిగా రస్క్పై పోసి, మిక్స్ చేస్తూ మంట మీద కదిపుతూ ఉడికించండి. హల్వా గట్టిపడే వరకు ఇలా కలుపుతూ ఉడికించండి.చివర్లో డ్రై ఫ్రూట్స్ వేసి మిక్స్ చేయండి. కొద్దిగా నెయ్యి వేసి మరో 2-3 నిమిషాలు ఉడికించి దించండి. ఈ రస్క్ హల్వాను వేడిగా లేదా చల్లగా సర్వ్ చేయవచ్చు.
రస్క్ హల్వా బాగా రావాలంటే చిట్కాలు ఇవే
పైన బాదం, పిస్తా చల్లి అందంగా అలంకరించండి. పెళ్లి విందులో లేదా పండగల్లో బంధువులు, స్నేహితులు, అతిధులు ఎక్కువగా ఇష్టపడతారు. అయితే ఈ రస్క్ హల్వా చేసేటప్పుడు జాగ్రత్త. రస్క్ ఎక్కువగా వేయించకూడదు.పాలు తగ్గించి గట్టిగా కావాలంటే మిల్క్ మేడ్ కలుపుకోవచ్చు.డైట్ చేసే వాళ్ల కోసం లో క్యాలరీ రస్క్ ఉపయోగించండి. ఇలా రస్క్ హల్వా చేస్తే మళ్ళీ మళ్ళీ ఇలాగే కావాలంటారు.
Click it and Unblock the Notifications
Sign in with Google