కలామ్ కు క్షమాపణ కంటితుడుపే

న్యూఢిల్లీ: అమెరికాకు చెందిన కాంటినెంటల్ ఎయిర్ లైన్స్ నుంచి క్షమాపణలు చెబుతూ భారత మాజీ రాష్ట్రపతి ఎపిజె అబ్దుల్ కలామ్ కు ఏ విధమైన సమాచారం రానట్లు తెలుస్తోంది. కలామ్ కు క్షమాపణలు చెప్పినట్లు వచ్చిన వార్తలు కంటితుడుపు చర్యలు మాత్రమేనని తెలుస్తోంది.ఈ విషయాన్ని కలామ్ ధృవీకరించినట్లు వార్తలు వచ్చాయి.

కాంటినెంటల్ ఎయిర్ లైన్స్ ప్రోటోకాల్ ను ఉల్లంఘించి కలామ్ ను తనిఖీ చేసినట్లు వచ్చిన వార్తలు భారత్ లో తీవ్ర దుమారం రేపాయి. భారత ప్రభుత్వం కూడా ఈ విషయాన్ని తీవ్రంగా పరిగణించి ఎయిర్ లైన్స్ పై ఎఫ్ఐఆర్ నమోదు చేసింది. ఈ స్థితిలో కలామ్ కు కాంటినెంటల్ ఎయిర్ లైన్స్ క్షమాపణలు చెప్పినట్లు వార్తలు వచ్చాయి. అయితే అమెరికా విమానాల్లో సెప్టెంబర్ 9 దాడుల తర్వాత అందరినీ తనిఖీ చేసినట్లే కలామ్ ను తనిఖీ చేసినట్లు భావిస్తున్నారు. తమ నిబంధనలను మాత్రమే అమెరికన్లు పాటిస్తారని తెలుస్తోంది.