ధైర్యంగా ఉండండి: వైయస్ జగన్

హైదరాబాద్: ధైర్యంగా ఉండాలని ముఖ్యమంత్రి డాక్టర్ వైయస్ రాజశేఖర రెడ్డి కుమారుడు వైయస్ జగన్మోహన్ రెడ్డి అభిమానులకు పిలుపునిచ్చారు. వైయస్ మరణం అనంతమైన విషాదమేనని ఆయన అన్నారు. అయితే ధైర్యంగా ఉండడమే వైయస్ కు మనం అర్పించే నివాళి అని ఆయన అన్నారు. వైయస్ ధైర్యవంతుడైన నేత అని, ఎట్టి పరిస్థితుల్లోనూ తొణకని నేత వైయస్ రాజశేఖరరెడ్డి అని ఆయన అన్నారు.

వైయస్ మరణం తట్టుకోలేక 70 మంది దాకా మరణించారనే వార్త రావడంతో జగన్ కలత చెంది అభిమానులకు విజ్ఝప్తి చేశారు. ఆత్మహత్యలు చేసుకోవద్దని ఆయన కోరారు. సంయమనం పాటించి ధైర్యంగా ఉండడమే వైయస్ కు మనం నిజంగా అర్పించే నివాళి అని ఆయన అన్నారు. వైయస్ బాటను అనుసరిద్దామని ఆయన పిలువునిచ్చారు.