ఎస్ ఎస్పీ యాదవ్ ను మార్చం: రోశయ్య

హైదరాబాద్: రాష్ట్ర పోలీసు డైరెక్టర్ జనరల్ (డిజిపి) ఎస్ఎస్పీ యాదవ్ ను మార్చే ఉద్దేశం లేదని ముఖ్యమంత్రి రోశయ్య చెప్పారు. యాదవ్ పై పలు విమర్శలు వస్తున్న నేపథ్యంలో ఆయన ఈ విషయం స్పష్టం చేశారు. మన్నవరం ప్రాజెక్టుకు ఈ నెల 20వ తేదీ లోగా ప్రధాని మన్మోహన్ సింగ్ శంకుస్థాపన చేస్తారని ఆయన శనివారం మీడియా ప్రతినిధుల సమావేశంలో చెప్పారు. వైయస్ రాజశేఖర రెడ్డి చేపట్టిన ప్రాజెక్టులను త్వరిత గతిన పూర్తి చేయడానికి తాము కృషి చేస్తామని ఆయన అన్నారు. నెల్లూరు సమీపంలో ఎరువుల కర్మాగారం ఏర్పాటుకు కేంద్రం సుముఖంగా ఉందని ఆయన చెప్పారు.

ప్రాజెక్టుల పూర్తికి వైయస్ రాజశేఖర రెడ్డి ఎనలేని కృషి చేశారని ఆయన ప్రశంసించారు. పెండింగ్ ప్రాజెక్టుల పూర్తికి సహకారం అందించాలని కేంద్రాన్ని కోరినట్లు ఆయన తెలిపారు. రీషెడ్యూల్ చేసిన రుణాలకు కూడా రెండు శాతం వడ్డీ రాయితీ వర్తింపజేయాలని కేంద్రాన్ని కోరినట్లు రోశయ్య తెలిపారు.