సిద్ధివినాయకుడికి షైనీ అహుజా పూజలు

ముంబై: పని మనిషిపై అత్యాచారం కేసులో విచారణను ఎదుర్కుంటూ బెయిల్ పై విడుదలైన బాలీవుడ్ నటుడు షైనీ అహుజా బుధవారం సిద్ధివినాయకుడి దేవాలయంలో పూజలు నిర్వహించారు. విమానాశ్రయం నుంచి అతను నేరుగా తన లెక్సస్ కారులో దేవాలయానికి వెళ్లారు. దాదాపు అర్థరాత్రి గడిచిన సమయంలో అతను సిద్ధివినాయక దేవాలయానికి వెళ్లారు.

అతని వెంట భార్య అనుపమ్, ఫిల్మ్ మేర్ అశోక్ పండిట్ ఉన్నారు. పనిమనిషిపై అత్యాచారం కేసులో షైనీ అహుజాకు శనివారం బెయిల్ మంజూరైంది. విచారణ ప్రారంభమయ్యే వరకు ముంబైలో ఉండకూడదని కోర్టు ఆదేశించడంతో జైలు నుంచి విడుదలైన వెంటనే అతను ఢిల్లీకి వెళ్లిపోయాడు. అతను బుధవారం కోర్టుకు హాజరు కానున్నారు.